Telechargiar Firefox

Firefox na vegn betg pli sustegnì sin Windows 8.1 e pli vegl.

Telechargia per plaschair Firefox ESR (Extended Support Release) per utilisar Firefox.

Firefox na vegn betg pli sustegnì sin macOS 10.14 e pli vegl.

Telechargia per plaschair Firefox ESR (Extended Support Release) per utilisar Firefox.

Las directivas da Firefox per la protecziun da datas

Sincronisaziun dal navigatur Firefox

Cun Firefox pos ti cuntinuar là nua che ti has chalà sche ti midas da tes computer desktop sin tes telefon u tes tablet. Firefox ta pussibilitescha da vesair tes segnapaginas, tia cronologia da navigaziun, tes pleds-clav memorisads e dapli – independentamain da l’apparat che ti utiliseschas.

Ta registrescha per obtegnair in conto Mozilla gratuit e ti vegns a pudair sincronisar tias datas dapertut là nua che ti utiliseschas Firefox ed auters products da Mozilla.

Tut tias datas èn criptadas sin noss servers, uschia che nus na las pudain betg leger – mo ti pos acceder ad ellas. Nus na vendain betg tias infurmaziuns ad incumbensaders da reclama perquai che quai cuntraschess a nossa empermischun da proteger las datas.

Trametter tabs dad in apparat ad in auter

La funcziunalitad da trametter tabs en Firefox ta pussibilitescha da trametter paginas da Firefox sin in apparat ad auters apparats (per exempel sin in iPhone, iPad u in apparat Android). Has ti chattà in artitgel durant navigar sin tes telefon che ti vuls leger cura che ti es puspè davant tia scrivania? U in document impurtant da la lavur che ti vuls memorisar cura che ti arrivas a chasa? Forsa has ti chattà in recept sin tes laptop che ti vuls trametter a tes tablet ch’è en cuschina. Trametta quel tab!

In maletg dal menu d’applicaziun da Firefox che mussa l’opziun «Trametter il tab ad in apparat».