Il manifest da Mozilla

Introducziun

L'internet daventa ina part adina pli impurtanta da nossa vita.

Il project Mozilla è ina communitad mundiala da persunas ch'èn da l'avis che l'avertadad, l'innovaziun e l'egualitad da las schanzas èn las clavs per la vitalitad da l'internet. Nus collavurain dapli l'onn 1998 per garantir che l'internet sa sviluppia en favur da tuts. Nus essan surtut enconuschents grazia a noss navigatur Mozilla Firefox.

Il project Mozilla fa diever dad in model da collavuraziun basà sin ina communitad per crear programs open-source d'emprima qualitad e sviluppar novas furmas da collavuraziun. Nus creain communitads da persunas che s'engaschan en favur dad ina meglra experientscha en l'internet per nus tuts.

Sco resultat da questas stentas avain nus elavurà ina seria da princips che nus tegnain per decisivs per che l'internet cuntinueschia a servir tant a l'interess public sco era ad aspects commerzials da la vita quotidiana. Quests princips èn enumerads qua sutvart.

Las finamiras dal manifest èn las suandantas:

  1. articulate a vision for the internet that Mozilla participants want Mozilla Foundation to pursue;
  2. communitgar cun las persunas, independentamain dal fatg sch'ellas èn tecnicamain versadas;
  3. far daventar loschs ils contribuents a Mozilla da nossa lavur ed ans motivar da cuntinuar; e
  4. porscher ad autras persunas in rom per manar vinavant nossa visiun da l'internet.

These principles will not come to life on their own. People are needed to make the internet open and participatory - people acting as individuals, working together in groups, and leading others. Mozilla Foundation is committed to advancing the principles set out in the Mozilla Manifesto. We invite others to join us and make the internet an ever better place for everyone.

Princips

  1. Emprim princip
    L'internet è ina part integrala da la vita moderna – ina cumponenta fundamentala en l'educaziun, la communicaziun, la collavuraziun, l'economia, il divertiment e la societad en general.
  2. Segund princip
    L'internet è ina resursa globala e publica che duai restar averta ed accessibla.
  3. Terz princip
    L'internet duai enritgir la vita da mintga esser uman.
  4. Quart princip
    La segirezza e la protecziun da datas da mintga persuna en l'internet è fundamentala e betg facultativa.
  5. Tschintgavel princip
    Mintga persuna duai avair l'abilitad da dar furma a l'internet ed a las experientschas cun el.
  6. Sisavel princip
    L'effizienza da l'internet sco resursa publica dependa da ses caracter da cumpatibilitad (protocols, formats da datas, cuntegn), da l'innovaziun e da la participaziun mundiala decentralisada.
  7. Settavel princip
    Software libra ed open-source promova il svilup da l'internet sco resursa publica.
  8. Otgavel princip
    Process transparents basads sin la communitad promovan la participaziun, la responsabladad e la confidenza.
  9. Novavel princip
    La participaziun economica al svilup da l'internet porta blers avantatgs; in equiliber tranter gudogn commerzial ed interess public è decisiv.
  10. Dieschavel princip
    Accentuar l'util public da l'internet è ina finamira impurtanta ed i vala la paina dad impunder temp, attenziun ed engaschi per quest intent.

Engaschi per in internet pli saun

L'internet avert e global è la resursa da communicaziun e collavuraziun la pli pussanta mai visa. El è l'incarnaziun dad intginas da las pli fundamentalas speranzas da progress uman. El porscha novas pussaivladads dad emprender cun sviluppar in sentiment d'appartegnientscha a l'umanitad e da schliar problems urgents che pertutgan umans en l'entir mund.

Durant l'ultim decenni è questa empermischun s'accumplida en blers reguards. La pussanza da l'internet augmenta dentant era la separaziun, chaschuna violenza, promova odi e manipulescha fatgs e la realitad. Nus avain realisà che nus stuain formular pli explicitamain nossas finamiras per l'experientscha en l'internet. Quai faschain nus ussa.

Our Commitments

  1. Commitment 1
    Nus ans engaschain per in internet che includa tut ils umans dal mund – en il qual las caracteristicas demograficas dad ina persuna n'influenzeschan betg l'access, las schanzas e la qualitad da l'experientscha online.
  2. Commitment 2
    Nus ans engaschain per in internet che promova il dialog civil, la dignitad umana e la libertad d'expressiun individuala.
  3. Commitment 3
    Nus ans engaschain per in internet che stima il pensar critic, discussiuns argumentadas, il barat da savida e la verificaziun da fatgs.
  4. Commitment 4
    Nus ans engaschain per in internet che encurascha la collavuraziun tranter differentas communitads per ch'ellas possian lavurar ensemen per il bain public.

L'empermischun da Mozilla Foundation

Across the Mozilla Project and every organization in the Mozilla family, we pledge to support the Mozilla Manifesto in its activities. Specifically, we will:

  • crear ed activar las tecnologias open-source e las communitads che sustegnan ils princips dal manifest;
  • crear e metter a disposiziun software d'emprima qualitad che correspunda als princips dal manifest da Mozilla;
  • utilisar la capacitad e las resursas da la Mozilla Foundation (proprietad intellectuala sco dretgs d'autur e la marca, l'infrastructura, la facultad e noss num) per che l'internet restia ina plattafurma averta;
  • promover models per crear valur economica en favur da l'interess public; e
  • s'engaschar per ils princips dal manifest da Mozilla en il discurs public ed en l'industria da l'internet.

Purtar vinavant il manifest da Mozilla

In internet cun questas qualitads na nascha betg da sasez. Persunas singulas ed organisaziuns ston integrar questas finamiras en las tecnologias da l'internet ed en las experientschas ch'ils umans fan cun l'internet. Il manifest da Mozilla e sia annexa stan per l'engaschi da Mozilla per cuntanscher questas finamiras. Nus vulain collavurar cun persunas ed organisaziuns da tut il mund che sustegnan questas finamiras per far da l'internet in lieu anc meglier per tuts.