Ameskan Mozilla

Tazwart

Internet simer tettawi amḍiq di tudernt nneɣ n yal ass.

Asenfaṛ n Mozilla d tamezdagnut tamaḍlant n yemdanen i yettxemmimen d akken tulya, asnulfu akked ufares n tegnitt iɣ-d-ittunefken d tasarutt n tudert n Internet. Ad nqeddec lwaḥid seg 1998 imi ad neḍmen akken Internet ad yennerni s wuem s wayes ara sfaydin yemdanen. Nettwassen labaɛda ɣef usnulfu n iminig Web Firefox Mozilla.

Asenfaṛ Mozilla isseqdac tarrayt yebnan ɣef tmezdagnut akken ad d-yesnulfu aseɣẓan ilelli amaḍlan udiɣ akken ad d-yesnulfu anawen imaynuten n warmud anida ttekkan deqs yemdanen. Nesnulfuy-d timezdagnutin ara yettekkin deg ahil akken ad uɣal useqdec n Internet ifaz i yal yiwen deg-neɣ.

Ihi seg ahil agi id d-nhegga, nessers kra n yensayen id nɣil d imeqqranen akken Intrnet ad ikemmel deg ubrid n fayda ama i useqdec n yemdanen i Internet neɣ tudert n yal ass. Insayen agi ttwasegzan-d daw-a:

Iswiyen n umeskan d wigi:

1. ad nesbded tikti ifazen ɣef Internet akken i bɣan imttekkiyen Mozilla tasbeddit Mozilla Foundation ad taweḍ ɣer yiswyen-a.
2. mmeslay akked yimdanen ama snen tatiknikt neɣ ala;
3. ad nerr imttekkiyen n Mozilla ad ttquxxum s wayen n xeddem udiɣ ad s-nmudd afud akken ad kemmlen;
4. ad nmudd amedya i wiyaḍ akken ad snernin tamuɣli agi ɣef Internet.

Insayen-a ur d-ttasen kan akka s yiman-nsen. Ilaq ad ilin yimdanen i wakken ad rren Internet yeldi yerna ad ttekkin deg-s - imdanen i yexedmen i yiman-nsen, neɣ wid iqeddcen lwaḥid deg yigrawen, rnan seddayen wiyaḍ. Mozilla Foundation tettekka i wakken ansayen-a deg Umeskan n Mozilla. Nuzen tinnubga i yal yiwen i wakken ad d-rnun ɣur-neɣ, ad nerr Internet d amḍiq ifazen i yal yiwen.

Insayen

1. Internet teckem d itudert n yal ass—d ajegu deg uselmed, taywalt, amɛiwen, iweẓla, zhu akked tmetti s umata.
2. Internet d taɣbalut tamaḍlant tazayezt i yessefk ad teqqim teldi, tettwakcam.
3. Internet ad yesnerni tudert n yal yiwen
4. Taɣellist n yemdanen di Internet d tagejdit, ur yessefk ara ad tuɣal d tafrayant.
5. Yessefk yal yiwen ad yizmir ad ifeṣṣel Internet akked useqdec ines n Internet.
6. Tilawt n Internet am teɣbalut tazayezt tcudd ɣer temyigawt (ineggafen, imasalen n isefka, agbur), asnulfu, akked uttekki amadlan yettwasrummsen.
7. Iseɣẓanen ilelliyen akked wid n uɣbalu yeldin smenyifen taneflit n Internet am teɣbalut tazayezt.
8. Ikalan ifrawanen yebnan ɣef tmezdagnut leddin tabburt i uttekki, tamasit akked teflest.
9. Asefti azenzi di tneflit n Internet ad d-yawi deqs n lfayda, rkad gar n lfayda tazenzit akked lfayda n yemdanen mačči d ayen fessusen.
10. Asemɣeṛ d uzuzer n lfayda Internet i yal yiwen, hatan yeswi meqqren i yeklalen ad nger degs tamuɣli s wakud akked tezmert.

Asnerni n umeskan n Mozilla

Deqs n iberdan i yellan akken ad nesban imensayen n umeskan Mozilla. Nṛṛeḥeb s deqs n warmud, u nezwir axemmem ɣef usnulfu id d-ttawin imttekkiyen ɣer Mozilla di tɣula nniḍen n usenfar. Imdanen ur nettekki ara s waṭas deg usenfaṛ Mozilla, zemren ad sqedcen Firefox neɣ iseɣẓanen nniḍen yeddan deg ubrid n imensayen n umeskan.