Iḍelli d uzekka.

Mozilla yennulfa-d akken ad yesnerni alday, asnulfu, Internet akked tignatin i d-yettumuddu.
Wali anwa-yaɣ, isenfaṛen n tura akked wayen nexdem i ɣ-yeǧǧan nettzuxxu.

  • 01

    Asenfaṛ Mozilla yesrifeg di Netscape ass n 31 Meɣres 1998, akken ad yeḍmen afran i yiseqdacen udiɣ ad isenker asnulfu di Web.

  • 02

    Ur d-neḥṣil di kra, u nettzuxxu s waya, Mozilla tettheggi-d ifarisen am Mozilla s tuɣdaṭ n tiǧǧin n udabu gar ifassen n iseqdacen imeṛṛa.

  • 03

    Ugar n 10 000 n imttekkiyen mudden-d afus nsen di tuɣdaṭ nneɣ s umuddu n tewsa akken ad nessuffeɣ adellel ɣef yiwen n usebter ummid di New York Times makken i d-yeffeɣ Firefox 1.0 di 2004.

  • 04

    Ass-a Mozilla ijemmeɛ-d imttekkiyen di semmus n imenẓawen, ula di anṭaṛktik (anida Firefox seqdacen-t ugar n 80% n yemdanen).

  • 05

    Izegrar n Firefox sirigen aggan n tarrayt i tesseqdaceḍ tunigin inek akked useqdec n umahil d tudert. Ugar n 4 n wagimen n yefḍan n izegrar ttwasidren yakan.

  • 06

    Mozilla d amezwaru deg uqadeṛ n tudert tabaḍnit s srid akked usnulfu am Ur Sfuɣul Ara akked Lightbeam yettmuddun i yiseqdacen asenqed ufrin n isefka nsen udmawanen.

  • 07

    Tamezdagnut nneɣ tamaḍlant tessuqel Firefox ɣer wugar n 70 n tutlayin, mudden ihi asewjed n Firefox i wugar n 90% n iɣeṛfan n umaḍal.

  • 08

    Di 2008, deg yiwen n wass, 8 002 530 n yemdanen fernen Firefox, ayen i yessawḍen ad yerreẓ warraz amaḍlan n usnas i yettwasidren s waṭas ɣef 24 n yesragen.

  • 09

    Tafaska n Mozilla d tadyant nneɣ tameqqrant yal seggas, i d-yesnejmaɛen tiwinas n tmelɣiɣin akken ad d-seknen akk ayen ssnen akked tazmert n Web.

  • 10

    Webmaker n Mozilla ɣur-s tuɣdaṭ n tallalt i yemdanen n umaḍal imeṛṛa, s usewjed n ifecka akked isenfaṛen akken ad mudden tallalt i yemdanen ad ḥerzen tudert nsen s srid.

  • 11

    Firefox i Android yettmuddu ɣef tiliɣriyin neɣ tifelwiyin n uselkem ayen ifazen di Firefox i yiselkimen. Yella di Google Play, yettwasider ugar n 80 n yefḍan n tikal.

  • 12

    Aẓeṭṭa n ineflayen n Mozilla d taɣbalut i Web. Tsedday-itt tmezdagnut u tettmuddu-d ayen ifazen di tsemlit, ayen ifazen deg usileɣ s srid akked ifecka, yettwakcam i wugar n sin n yefḍan n inebgawen yal aggur.

  • 13

    Mozilla tesseḥbibir ɣef uḥraz n Web d taɣbalut tazayezt yettwabḍan, i lfayda n yal yiwen.

  • 14

    Deg 2013, Mozilla tessenker Firefox OS akken ad teslelli tazmert n tidett n Web ɣef telɣubliḍin tizirazin, i tikelt nniḍen daɣen, ad tmudd aḥraz akked ufran i tsuta tamaynut n iseqdacen n Internet.

  • 15

    Amahil i tga Mozilla, yettwahegga acku imrawen n wagimen n yemdanen i d-yefkan tawsa, akked imttekkiyen i yumnen d akken yessefk Web ad yeqqim yeldi, yettwakcam i yal yiwen.