Azray n usenfaṛ n Mozilla
Asenfar n Mozilla yennulfa-d deg 1998 s usufeɣ n tengalt aɣbalu n iminig Netscape. Iswi yella d asdukkel n wagimen n ineflayen id d-yesnulfuyen di Internet, wid id d-yettawin amaynut wuṛǧin yella di taɣult n iminigen. Deg useggass amezwaru, imttekkiyen imaynuten n tmezdagnut n umadal imeṛṛa, mudden yakan afus deg tmahilin timaynutin, snernin tid-ak yellan, udiɣ snekren asefrek akked usɣiwes n usenfaṛ.
Seg mi i d-tlul terbeɛt yeldin, asenfaṛ Mozilla yuɣal meqqer amzun d takebbanit. Imttekkiyen n terbeɣt gren-d iman-nsen akken ad smeɣṛen tuɣdaṭ taneṣlit— ur d-giren ara akan amahil n usenerni n yiminig Netscape, sneflin daɣen ddeqs n yiminigen , ifecka n tneflit akked isenfaṛen-nniḍen. Attekki ɣer Mozilla yettili s ddeqs n tarrayin, acukan yal yiwen ayen iḥemmel, akken ad d-snulfun iseɣẓanen ilelliyen ara yeǧǧn imdanen ad fernen deg useqdec n Internet.
Seld kra n yiseggassen n tneflit, Mozilla 1.0, lqem amezwaru ameqqran, yeffeɣ-d deg useggass n 2002. Lqem-a yegber ddeqs n usnerni deg yiminig, amsaɣ n usefrek n yiznan akked isnasen-niḍen, acukan ur yesɛi ara aṭas n yiseqdacen. Deg 2002, ugar n 90% n yiseqdacen n Internet ttinigen s Internet Explorer. Drus n yimdanen i t-iwalan deg tallit-nni, maca lqem amezwaru n Phoenix (yettusemman sakin Firefox) i d-suffɣen daɣen iεeggalen n temɣiwent Mozilla deg useggass-nni s yiswi n umuddu n termit tufrint n tunigin i umur ameqqran n yimdanen.
Deg 2003, asenfaṛ Mozilla yerna tasbeddit Mozilla Foundation, d tuddsa tamunant ur yettnadin ara ɣef tedrimt i ttɛawanen yimdanen neɣ tikebbaniyin s umuddu n tewsa. Tasbeddit Mozilla i d-yelulen melmi kan Mozilla Foundation, tettkemmil asefrek n usenfar, terna teddem takti ad tesnerni s wudem unṣib alday, asnulfu akked tegnatin i d-yettmuddu Internet. Akken ad taweḍ ɣe yiswiyen-a, tasbeddit tettkemmil asnulfu n yiseɣẓanen am Firefox d Thunderbird war ma teǧǧa tiɣula-nniḍen, am tsigras i wakken ad tɛiwen leqdic icudden ɣer usnerni n unekcum ɣer Web.
Firefox 1.0 yeffeɣ-d di 2004, u yedda akken iwata — ur yebbiḍ ara useggass, yettwasider-d ugar n 100 n yefḍan n tikal. Seg imiren, ileqman imaynuten tteffɣen-d s wudem alugan, imdanen ttisen-t seg useggass ɣer wayeḍ. Tagdusnant n Firefox tessireg amuddu n ufran i yiseqdacen. Tamsizwert tamaynut tuɣal d asɣiwel n usnulfu udiɣ tessireg asnerni n Internet i yiseqdacen imeṛṛa.
Di 2013, nessenker Firefox OS akken ad d-nessuffeɣ akk tamusni n Web ɣef izirazen udiɣ ad nefk tikelt nniḍen afran akked usenqed i usirew nniḍen n iseqdacen s srid.
Mozilla terra tameɣṛa deg useggass wis 15 si tlalit ines di 2013. Tamezdagnut tbeggen-d d akken tikebbaniyin zemrent ad d-awint lfayda deg uttekki deg isenfaṛen n uɣbalu yeldin udiɣ iseɣẓanen imeqqranen zemren ad ilin d iseɣẓanen n uɣbalu yeldin. Weṛǧin, llan iseqdacen imaynuten itteqqen ɣer Internet am ass-a udiɣ seqdacen-t s tutlayt nsen Takebbanit ara yidiren tettwarna, tin iseqdacen imetwiyen n ulzuz akken ad tɛiwen tuɣdaṭ n lfayda tamatut. Taneqruft agi tsqedcen-tt tikelt nniḍen wiyaḍ akken ad rnuntuddsiwin yeldin, tifrawanin, temɛawanin di deqs n isenfaṛen.
Azekka yeččuṛ d asirem akked tezmert am tezmert n yezri. Ulac ṭmana akken Internet ad yeqqim yeldin, d abaḥan, d aɣelsan. Mozilla ad tekemmel amuddu n tegnitt i yimdanen akken awal nsen ad yaweḍ udiɣ ad izmiren ad sneqden tudert nsen s srid. Ihi akka i tella, mačči ala nekni i yexeddmen ayagi. Tamezdagnut Mozilla, akked isenfaṛen nniḍen n uɣbalu yeldin akked tuddsiwin nniḍen, ddrent imi llan imdanen ittekkan deg usiweḍ akken uheggi n yeswiyen agi unnimen. Ma tebɣiḍ ad tmuddeḍ afus i tuɣdaṭ nneɣ, tzemreḍ ad ttekkiḍ.
Ugar n telɣiut ɣef umezruy n Mozilla, tzemreḍ ad twaliḍ isebtar agi:
- Ticraḍ n isebtar n Mozilla
- Tasimirt n usenfaṛ n Mozilla
- Mozilla Digital Memory Bank
- Amaskan ɣef umezruy n Firefox akked Mozilla (yella kan s teglizit akked tjadunit)