Mozilla VPN
Emo’ã nde jeike ñandutípe Mozilla VPN ndive Mac peg̃uarã
Taha’e mohendaha mesa arigua Mac ndive, oku’ekuaáva, iPad térã iPhone, omo’ã ne mba’e’oka vai’apoha ha tesa ñañágui VPN Mozilla mba’éva ndive, omohekorosã ñepyrũva ñanduti 1998 guive.
Ehecha hepy ha joguakuaa
Ne ñemigua ha’e ore me’ẽmbyrã
Eñeñandúke tekorosãme ñandutípe ehecharamo’ỹre eraháva upépe, taha’e tekorei ýrõ tembiapo. Mozilla VPN nepytyvõta eiporu hag̃ua Wi-Fi opavave mba’éva hekopete emo’ãvo nde jeike ñandutípe mba’evaiapoha ha ñanduti me’ẽhára ombyatyséva ne mba’ekuaarã. Ne rekoñemi peteĩ jekutúpe eiporukuaa Mac ndive ha iOS, (avei Windows 10, Linux ha Android), ha nomboykekuaái nde pya’ekue. Ha, ha’évo VPN Mozilla mba’éva WireGuard® raperekoite ndive, ejeroviakuaa ne rembiapo noñeñongatumo’ãi ha ne tus mba’ekuaarã nemba’éta, opa ára.
Mba’e erekokuaa Mozilla VPN ndive:
- Ipapapýva mba’e’okápe
- Mohendahavusu mbarete 30+ tetãnguérape
- Ancho de banda jejoko’ỹ
- Ndaipóri tapykuere ñandutípe ko’ág̃a ni araka’eve
- Eike 5 mba’e’okakuéra peve
Eñeñandu tekorosãme wifi jerovia’ỹhápe
Eike py’aguapýpe wifi mba’etee’ỹvape Mozilla VPN rupive omo’ã añetéva nde jeike ñandutípe ne mba’ekuaarã teéva oĩ hag̃ua kañyhápe mba’evaiapoha ha oma’ẽ ñañávagui.
Tekoñemi ne kuã rehe
Mozilla VPN ndive, nde jeike ñandutípe ipapapýta ha nde IP kundaharape oñemo’ãta mba’evaiapoha ha ñanduti me’ẽhára oikereívagui pe WireGuard® raperekoite rupive.
Eike mohendahavusu arapyguávape
Emoambue ne Mac rendaite hetave 500 mohendahavusu hetave 30 tetãme. Kóva omoneĩta emoñe’ẽ hag̃ua marandu, ejogua, ehecha ta’ãngamýi ha eikundaha hag̃ua ñandutípe eimehápe.
Emo’ã 5 mba’e’oka ñemboheraguapy ndive
Ne mohendaha, tabléta ha pumbyry hekorosãva’erã. Oiporu Mozilla VPN omo’ã hag̃ua 5 mba’e’okakuéra Mac ha iOS (avei Windows, Linux ha Android).
Natekotevẽi ehekojopy pya’ekue
Mba’ekuaarã hu’ã’ỹva ha mba’evéichagua ancho de banda jejoko he’ise ikatuha ejeporeka ñanduti tuichakuépe ejapoháicha tapiaite — tekorosã jo’a reheve.
Ejapóva ñandutípe ha’e nemba’ete
Eime porã eiporuhápe Mozilla VPN. Umi mba’ekuaarã oñembopapapýma, ne rembiapo araka’eve noñeñongatúi ha nde rekoñemi oñemo’ã tapiaite. Péva ha’e ore ñe’ẽme’ẽ.