Mozilla VPN
Eike ñandutípe tekorosãme Mozilla VPN mesa arigua ndive
Eguereko tekorosã ipya’e ha hasy’ỹva ne mohendaha ha guerahakuaáva Mozilla rupive, ojejeroviaveha tembiporupyahúpe.
Ehecha hepy ha joguakuaa
Ne ñemigua ha’e ore me’ẽmbyrã
Mozilla VPN ome’ẽ ndéve pa’ũ eike hag̃ua jeroviápe ha eguereko ne marandu mombyry oma’ẽvaíva térã mondahágui eime aja ñandutípe. Mozilla VPN oiporu pe taperekoite WireGuard® oikóva ombopapapy ne mba’ekuaarãtee ne pumbyry térã mohendahápe — 5 mba’e’oka peve. Ehecha umi ta’ãngamýi, eñembosarái, ejogua ha eikove ára ha ára eikuaahápe eguerekoha tekorosã iporãvéva.
Ñanduti kundahára mboguataháraramo Firefox ha peteĩva umi jeroviaha oñorairõvéva ne ñemigua ñandutípe rehe, Mozilla oguereko ohupytysevévaramo ne ñemigua ha ne rekorosã eike vovénte.
Mba’e erekokuaa Mozilla VPN ndive:
- Ñemo’ã 5 mba’e’oka pevépe g̃uarã
- Eikekuaa mohendahavusu heta 30 tetãnguérape
- Ipapapýva mba’e’okápe
- Ancho de banda jejoko’ỹ
- Ndaipóri tapykuere ñandutípe ko’ág̃a ni araka’eve
Eñandu tekorosã eiporúvo wifi opavavegua
Ore VPN omo’ã nde jeike ñandutípe mba’evaiapoha ha oma’ẽñemívagui, ejoguakuaáva taperyva’uhágui, eporandúvo nde viru ñongatupy mba’yrumýi guive ha emba’ejoguávo ñandutí guive oimehápe ejepy’apy’ỹre tekorosãre.
Tekoñemi peteĩ jeikutúpe
Mozilla VPN rembiporu’i ombopapapy ñandutípe jeike ha oñomi pe ne pumbyry IP kundaharape térã tabléta oiporúvo pe taperekoite oikóva WireGuard®.
Eike a mohendahavusu arapyguávape
Eikundaha Brasil guive. Eñembosarái Japón guive. Emoasãi México guive. Mozilla VPN omoneĩ emoambuévo ne pumbyry rendaite térã mohendaha peteĩva 500 mohendahavusúpe.
Emo’ã 5 mba’e’oka peve
Ne ñemboheraguapy nemoinge ore VPN mba’eporu hekorosãva ne pumbyry, tabléta ha mohendahápe iOS peg̃uarã, Android, Mac, Windows ha Linux.
Pya’ekue eimo’ã’ỹva, jejoko’ỹre
Ehecha ta’ãngamýi, eñembosarái, ejogua ha eikundaha pya’eterei. Mozilla VPN nomomichĩmo’ãi pe ancho de banda ha nomombeguemo’ãi ne pumbyry.
Ne ñemigua oĩ tenonderã
Mozilla-pe, norombyatýi mba’ekuaarã mávapa nde térã ne rembiapokue ñandutípe — taha’e ore VPN rupive térã mba’evéichagua ore apopyre rupi. Ne ñemigua ñemo’ã ha’e pe ore rembipota tuichavéva.