¿Mba’épa marandu javygua? ¿Mba’épa maranduvai?
Marandu ojavýva, marandu’ỹ. Ikatúkuri ehendu ko’ã ñe’ẽ ymave ha eñeporandu mba’épepa ojuavy he’isévape. Pe ombojuavýva ha’e ije’ekue: Pe marandu ojavýva ha’e oimehaichagua marandu japu oimeraẽva yvypóra ikatuhápe ho’a. Ojehechajeykuaa oĩvai térã oporombotavykuaávaramo, hákatu noñemoheñói ha ñoñemoherakuãi nembotavy hag̃ua katuete. Ambue hendáicha, pe marandu’ỹ oñemoheñói ha oñemoherakuã ani hag̃ua eñemomarandu ha péva rupi ohupyty umi mba’e oipotáva.
Ohasaramóva, marandu vai avei marandu’ỹicha oporombyaikuaa. Ndaha’éi oñemoheñóiva marandu vai añónte, avei pe marandu japuguáva oiporu hetaiterei viru arapy tuichakue ha ikatu ombyai tekojoja reko ha ñemboguata porã. Ha hasyeterei ijejoko pe marandu japuguáva, iñasãi pya’etereive rupi umi marandu iporãvagui.
¿Moõpa osẽ marandu ijapúva?
Ejuhukuaa marandu vai ha marandujapu opaite hendápe, hákatu oñemoasãi ha omombarete oñemoherakuãvo ñandutípe. Umi algoritmo ha tapykueho ombotuichave maranduvai ñemoasãi ha marandujapu og̃uahẽ hag̃uáicha hetave tapichápe ñanduti renda rupipe, blog, atyguasu ha ava ñandutietápe.
Ikatúkuri rehendu oñeñe’ẽramo jehapykueho rehe hetavejey marandu ñemurãgua jerére. Upéicharamo jepe, avei ha’e tembiporu oikoitéva emoherakuãséramo marandu japuguáva. ¿Mba’ére oiko? Eikundahakuévo Ñandutípe térã marandukuéra nde ava ñandutietápe, nde reko, nerembipota, reñe’ẽkuaaha hetajey, ha hetave ohapykuehova chupe heta mba’apohaguasu ñanduti rendápe omoheñói hag̃ua mba’ete ndereheguaitéva ikatúva oikuave’ẽ ambuépe nde eikuaa térã emoneĩ’ỹre. Ko’ã mba’ete ojeporu oñemoheñói hag̃ua ñemurã mba’eteéva, hákatu avei ojapokuaa ohechauka hag̃ua oimehaichagua marandu.
Og̃uahẽvo ñemoñe’ẽ tetepygua oimeraẽva ñanduti rendápe térã ava ñandutietápe, oikokuaa peteĩ algoritmo ohupívo marandu ne mba’etéva rehegua. Naiporãmbáiramo jepe, umi algoritmo ára ha ára ikatupyryve, ndohechajeýi tetepy omoneĩ hag̃ua oikópa. Kóva ha’e apañuái ava ñandutieta ndive: ko’ã ñandutieta oikuave’ẽ iporuhárape hetaiterei marandu opaite ára, ha oikekuaa tetepýpe jejoko’ỹre, oikehápe poruhára ñemoherakuã, marandu, ñemurã ha tetepy jeykekopyre. Ñemoherakuã ha jehaipyre ojehupi aja ikatu oñemoasãi marandu jejavýva ha’e oipota’ỹre, pe ñemurã ha tetepy ojeykekóva ojeporukuaa oñeme’ẽvo ñañáme marandu’ỹ nembovyrokuaáva, eikuaa hag̃ua añetehápe mávapa umi marandu ivaíva.
Mba’éichapa eikuaáta marandu japugua ñandutípe ha eipytyvõta ejoko hag̃ua iñemoasãi
-
Ema’ẽ pe URL ha/térã heñoihague.
¿Ojeguerovia chupe? Nderegueroviáiramo, eñeha’ã eheka marandu teñoiha rehegua ha rerakuãporã ñandutípe.
-
¿Pe maranduguasu ombotuichaiterei?
Ehecha umi ñanduti renda ha marandu me’ẽha ejeroviaha ehecha hag̃ua mba’éicha omomarandu pe téma ha mba’éichapa ojapo. Pe tetepy oñemoambuéva py’ỹinte oho ijapýrape ha oiporu ñembotuicha noĩrihápe mba’etépa oiko, ha ndaikatúi ojehechajey ñomongetakue ikutiaporãva.
-
¿Pe hetepy hekopyahúma?
Pe marandu ndahekopyahúi ndaha’éi katuete noporomaranduséiva, hákatu ikatu hína noĩporãmbái.
-
¿Ohechauka apohára ambue jehaipyre térã guenohẽmbyre, ikatu haguéicha tenda ojekuaávape?
Ejuhumba’éramo pe apohára réra añónte tenda naiporãmbáivape, anínte emomba’eterei umi he’iva’ekue.
-
¿Umi ta’ãnga ha avara’ãnga reratee’i ojuehegua?
Ta’ãngakuéra ha’e tembiporu mbarete marandu’ỹrã sãmbyhypyre. Pe teratee’i he’iháicha, ñeñandu ikatu oñemoambue ndaha’éiva pe oiko hagueichaite. Nanerekorosãiramo, eheka peteĩ ta’ãnga guive eikuaa hag̃ua mba’éichapa oñeñe’ẽ ambue hendápe.
Mba’éicha nepytyvõta Firefox emboyke hag̃ua marandu’ỹ
Firefox oreko tapykuehoha ma’ẽag̃uíme:
Oje’é haguéicha, tapykueho ha’e tuicháva maranduvai ñemoasãirã. Pe Firefox jeporu ndive ñemo’ã iporãvéva tapykuehoha rovake oipytyvõ ojokóvo tapykuehoha mbohapyháva heta ñemurã moasãiha ha ambue mba’apohaguasu ijypykue rupi eikundahávo ñandutípe, ha péicha erekóta ndejehe mba’ekuaarã ñandutigua.
Firefox oipytyvõ ipotĩ hag̃ua nde feeds ava ñandutieta:
Opaite ava ñandutieta oikuaa heta mba’e ndehegui. Avei, nde rapykuehokuaa ijyképe pyendavusúgui ivotõnguéra Moherakuã ha Amoneĩ rupi jepémo ñemo’ã jehapykueho rovake, ndererekóiramo jepe mba’ete umi pyendavusúpe. Facebook Container Firefox peg̃uarãva omoneĩ Facebook ha Instagram ndojapóivo hasy’ỹre, omomichĩve jeýva, tuichaháicha, marandu vai ñemurã rupive ha tetepy momarandupyre.
-
¿Mba’ére ejeroviáta Firefox rehe?
Ore yvypóra romohenda tenondete. Upévare, oreykeko oku’éva ndaha’éi viru rapykuéri. Ñepyrũha guive, ore rembipota ha’e ñanduti ñemo’ã ha opaite poruhárape.
-
Ne ñemigua, apopyre oĩháicha
Firefox apopyrekuéra omba’apo ambueháicha — ojejapo rupi omotenonde hag̃ua ne ñemigua ñemo’ã.