Mozilla he’ipyre

Moñepyrũ

Ñandutígui oiko peteĩ mba’e tuicháva opavave rekovépe g̃uarã.

Mozilla apopyrã ha’e ava rekoha arapygua mba’e ogueroviáva pe juruja, ñembopyahu ha pa’ũ iporãha Ñanduti resãirã. Pe 1998 guive ñamba’apo oñondivepa ñanduti ha’e hag̃ua opavavépe g̃uarã. Rojekuaave romoheñói haguére pe ñanduti kundaha Mozilla Firefox.

Mozilla apopyrã oguereko mba’éichapa omboguatáta hembiapo ha’éva tekohakuéra ndive ikatuhápe omoheñói software ijurujáva, iporã añetéva ha omboguata tembiapo oñondiveguáva. Romoheñói ava rekoha oñeha’ãva ojapo ñanduti opavavépe g̃uarãva.

Ko’ã ñeha’ã rupive, rojapohína heta mba’e iporãmbajepéva ñanduti ikatu hag̃uáicha oiko opavavéva mba’éramo, péicha avei oma’ẽ ñemurã reheguáre. Ko’ápe rombopapappy ãva.

Umi hupytyrã je’epyre rehegua ha’e:

  1. emboaje ñanduti rembiecha Mozilla poruharakuéra oipotáva ohapykuehóva Mozilla Foundation;
  2. ñoñmongeta opavave ndive, oikuaa térã ndoikuaáiramo jepe aporeko;
  3. rohechase Mozilla pytyvõharakuérape cherovúpe rojapóva rehe ha kóva tomokyre’ỹ jeku’erã; ha
  4. eme’ẽ kyta ñepyrũha ambue tapicha omboha’eve hag̃ua Ñanduti rembiapo.

Ko’ã ypygua ndoikomo’ãi ha’eñorei. Oñeikotevẽ tapicháre oiko hag̃ua ñandutígui pa’ũ ijurujáva ha ojeikekuaahápe, ava omba’apóva ha’eño ha heta ndive, ha tapicha moakãhára. Ko Mozilla Foundation oñeha’ãta oku’e tenonde gotyo he’ihácha Mozilla je’epyre. Roipepirũ opavave oikesévape guive orendive ha, péicha, jajapo hag̃ua ñandutígui tenda iporãvéva tapichakuérape g̃uarã.

Ñepyrũgua

  1. Ñepyrũ 1
    Ñanduti ha’e tekotevẽpy tuicháva teko ko’ag̃aguápe — tekotevẽtereíva kuaapýpe g̃uarã, ñomongetarã, ñepytyvõrã, ñemũrã, ñembosarairã ha ava’aty opavavete oikehápe.
  2. Ñepyrũ 2
    Ñanduti ha’e peteĩ mba’e ava rembiporu arapyguápe g̃uarã ijurujáva ha jeikekuaaha.
  3. Ñepyrũ 3
    Ñanduti oipytyvõva’erã opavave yvypóra rekove.
  4. Ñepyrũ 4
    Pe tekorosã ha ñemigua avakuéra ñanduti pegua tekotevẽterei ha ndojehecháivaerã ikatúronte.
  5. Ñepyrũ 5
    Avakuéra oguerekova’erã omohendaha ñanduti ha avei imba’ekuaa pe ñandutípe.
  6. Ñepyrũ 6
    Pe ñanduti jeikoporã tembiporu opárupi ha’e umi tembiapo tekotevẽpy (tembiapo katupy, mba’ekuaarã, hetepy), mba’epyahu, ñeĩha pehenguekuéra yvy arigua oparupiete.
  7. Ñepyrũ 7
    Pe software reigua ha ijurujáva omongu’e ñanduti jekakuaa opavave mba’éramo.
  8. Ñepyrũ 8
    Umi tembiapo hesakãva oikóva tapicha ndive ohechauka oñeĩha oñondive añetete ha opaichaite.
  9. Ñepyrũ 9
    Pe ñemurã jeike ko ñanduti ñemboguatápe ogueru heta mba’e porã, hákatu tekotevẽ ijoja viru rehegua ha mba’eporã opavavépe g̃uarãva.
  10. Ñepyrũ 10
    Ñanduti jeporu opavavépe g̃uarãva ñemongakuaa ha’e hupytyrã tuicha mba’éva, oguerekova’erã ára, ma’ẽag̃ui ha jejapose.

Roñeha’ãta romoĩ peteĩ ñanduti hesãiva

Ñandutiveve juruja ha opavavépe g̃uarã niko tembiporu porãite ñañomomarandu hag̃ua ha avei ñamba’apo hag̃ua oñondive. Upévare ore roipota ha roha’ãrõ yvypóra oñakãrapu’ãve ohóvo. Ñandtiveve rupive jaikuaa mba’epyahu, ñamboja’o opavave ndive jaikuaáva ha ñañandúva ikatu hag̃uáicha romyatyrõ taha’eha’e apañuái oĩva ha ombohasa’asýva tapichakuérape ñande yvy ape arigua.

Pe pa aryetápe jahecha oiko jaipotáva heta hendáicha. Avei jaiko moañetehárõ ñanduti jeporupy mba’eguasuete jave ñemboja’o térã ñorairõse, ñembyai jeikovai jejaposéguinte jejapopy añetegua. Rohechakuaa tekotevẽ ojeporu ñanduti hendapeve. Rojapose ko’ág̃a.

Our Commitments

  1. Commitment 1
    Roñeha’ãta rojapo peteĩ ñanduti oikepahápe opavavete tapicha arapy pegua, mba’evéichagua ava oñemboyke’ỹhápe ñanduti jeiképe, oĩhápe pa’ũ peteĩchaite opavavépe g̃uarã.
  2. Commitment 2
    Roñeha’ãta rojapo peteĩ ñanduti omongu’éva tapicha ñe’ẽ, ava rekoite ha peteĩteĩ he’iséva.
  3. Commitment 3
    Roñeha’ãta rojapo peteĩ ñanduti omongu’éva jepy’amongeta, ñe’ẽ poravopyre ha umi oikopyre ojehechakuaáva.
  4. Commitment 4
    Roñeha’ãta rojapo peteĩ ñanduti omokyre’ỹva ñepytyvõ opaite tekoha ndive, oñemba’apohápe oñondivepa opavavépe g̃uarã.

Mozilla Foundation Ñe’ẽme’ẽ

Mozilla Foundation oipytyvõta añetahápe Mozilla je’epyrépe. Ja’eporãtavo, roñeha’ãta rojapo ko’ãva:

  • Romoheñói ha rome’ẽta tembiporupyahu ijurujáva ha ava’aty oipytyvõva Mozilla je’epy;
  • emoheñói ha emoasãi tembiapokue iporãva omboajéva Mozilla je’epy;
  • Mozilla mba’e jeporu (imba’ete apopyre, copyright ha imárka teéva, imba’eguereko, iviru ha iñemohu’ãngue) ñanduti ijuruja hag̃ua rekávo;
  • emongu’e tembiapo emoheñói hag̃ua virueta mba’e porãrã opavavépe g̃uarã; ha
  • emongu’e Mozilla je’epy rehegua ñe’ẽjovái guasúpe ha ñanduti ryepýpe avei.

Mozilla he’ipyre riregua

Peteĩ ñanduti ndoikomo’ãi ha’eño ijehegui. Avakuéra ha avei opavave omoĩva’erã tembiporupyahu ñandutípe ha jekuaapy ñandutípe. Mozilla he’i ha oikuaauka orekoha jehechauka ikatu hag̃ua omoambue hembiapo tenonderã. Jaheka tembiapo oñondive ava ha tembiapoha oparupigua oĩ guive orendive ha ojapo ñandutígui peteĩ tenda iporãvéva.