Сцягнуць Firefox

Firefox больш не падтрымліваецца на Windows 8.1 і ніжэй.

Калі ласка, сцягніце Firefox ESR (выпуск з пашыранай падтрымкай), каб выкарыстоўваць Firefox.

Firefox больш не падтрымліваецца на macOS 10.14 і ніжэй.

Калі ласка, сцягніце Firefox ESR (выпуск з пашыранай падтрымкай), каб выкарыстоўваць Firefox.

Паведамленне аб прыватнасці Firefox

Частыя пытанні Mozilla аб прыватнасці звестак

Мы цэнім людзей вышэй за прыбытак.

Ведаць, што чакаць ад праграм і сэрвісаў, якімі яны карыстаюцца сёння, людзям можа быць няпроста. Тэхналогіі, што паляпшаюць наша жыццё, складаныя, а людзям не стае часу паглыбляцца ў дэталі. Гэта справядліва і для Firefox, і мы бачым, што людзі маюць шмат розных версій аб тым, што адбываецца пад капотам іхняга браўзера.

У Mozilla, мы паважаем і ахоўваем вашы асабістыя звесткі:

  • Мы прытрымліваемся зводу Прынцыпаў прыватнасці звестак, які фармуе наш падыход да прыватнасці ў настольным і мабільным браўзерах Firefox.
  • Мы збіраем толькі тыя звесткі, якія патрэбны, каб рабіць найлепшыя рэчы.
  • Мы перадаём людзям кантроль над іхнімі звесткамі і сеціўным досведам.
  • Мы прытрымліваемся прынцыпу “не здзіўлення”, што азначае, што мы ўпарта працуем над тым, каб разуменне Firefox адпавядала рэчаіснасці.

Наступныя пытанні і адказы мусяць дапамагчы вам зразумець, што чакаць ад Mozilla і Firefox:

Я карыстаюся Firefox-ам амаль для ўсяго ў Сеціве. Вы ў Mozilla мусіце ведаць масу звестак пра мяне, так?

Firefox, вэб-браўзер, які вы запускаеце на сваёй прыладзе ці камп'ютары, з'яўляецца вашым мостам у Інтэрнэт. Ваш браўзер апрацоўвае шмат інфармацыі пра сайты, якія вы наведваеце, але гэта інфармацыя застаецца на вашай прыладзе. Mozilla, распрацоўшчык Firefox, не збірае яе (акрамя выпадкаў, калі вы просіце аб гэтым).

Сапраўды, вы не збіраеце маю гісторыю аглядання?

Mozilla не ведае аб тым, як людзі аглядаюць сеціва, так шмат, як вы маглі б чакаць. Для нас, стваральніка браўзера, гэта сапраўднае выпрабаванне. Вось чаму мы зрабілі неабавязковыя прылады, што дазваляюць зацікаўленым карыстальнікам даць нам уяўленне аб іх агляданні ў сеціве. Калі вы сінхранізуеце сваю гісторыю аглядання паміж усталёўкамі Firefox, мы не ведаем, што там - таму што гісторыя зашыфравана вашай прыладай.

Выглядае на тое, што кожная кампанія ў сеціве купляе і прадае мае звесткі. Вы, здаецца, не выключэнне.

Mozilla не прадае звесткі пра вас, і мы не купляем дадзеныя пра вас.

Пачакайце, а як вы зарабляеце грошы?

Mozilla - не тое, што сярэдняя арганізацыя. Заснаваная як супольны праект з адкрытым зыходным кодам у 1998, Mozilla - арганізацыя з кіроўнай місіяй, якая працуе ў напрамку больш здаровага інтэрнэту. Большасць даходаў Mozilla Corporation ідзе ад працэнтаў, сабраных праз пошукавае партнёрства вэб-браўзера Firefox і пагадненняў аб распаўсюдзе па ўсім свеце. Вы можаце даведацца больш аб тым, як мы зарабляем грошы, з нашай штогадовай фінансавай справаздачы.

Добра, гэтыя першыя-лепшыя былі лёгкія. Якія звесткі вы збіраеце?

Mozilla збірае абмежаваны набор звестак з Firefox, калі не пазначана іншае, якія дапамагаюць нам зразумець, як людзі карыстаюцца браўзерам. Гэтыя звесткі злучаны з выпадковым ідэнтыфікатарам, а не з імем або паштовым адрасам. Вы можаце пачытаць падрабязней аб гэтым у нашых заўвагах аб прыватнасці, таксама ў поўнай дакументацыі на гэты збор звестак.

Мы робім сваю дакументацыю публічна даступнай, каб кожны мог праверыць, што мы кажам праўду, сказаць нам, калі трэба паправіць, і быць упэўненым, што мы нічога не хаваем.

Гэта дакументацыя - абракадабра для мяне! Можаце патлумачыць звычайнай англійскай мовай?

Ёсць дзве катэгорыі звестак, якія мы збіраем, калі не пазначана іншае, у нашым асноўным выпуску Firefox.

Першая - што мы называем "тэхнічныя звесткі". Гэта даныя пра сам браўзер, такія як аперацыйная сістэма, на якой ён выконваецца, і інфармацыя пра памылкі і збоі.

Другая - гэта што мы называем "звесткі ўзаемадзеяння". Гэта дадзеныя аб асабістых дачыненнях з Firefox, такіх як колькасць адкрытых картак, стан карыстальніцкіх наладаў і колькасць разоў, калі былі выкарыстаны пэўныя функцыі браўзера, такія як здымкі экрана або кантэйнеры. Да прыкладу, мы збіраем звесткі ў тэрмінах кнопкі 'Назад', гэтай стрэлкі ў левым верхнім куце вашага браўзера, якая дазваляе вяртацца на папярэднюю вэб-старонку, такім спосабам, які паказвае нам, што нехта выкарыстаў кнопку, але не кажа, якая іменна старонка была адкрыта.

Ці збіраеце вы больш звестак у прэ-рэлізнай версіі Firefox?

У пэўным сэнсе. У дадатак да звестак, апісаных вышэй, мы прымаем справаздачы пра крахі і памылкі ў прэ-рэлізнай версіі Firefox, калі не пазначана іншае.

Мы можам таксама збіраць дадатковыя звесткі ў прэ-рэлізнай версіі для аднаго з нашых даследаванняў. Напрыклад, некаторыя даследаванні патрабуюць што мы называем “звесткі пра актыўнасць у сеціве”, якія могуць уключаць адрасы (URLs) і іншую інфармацыю аб пэўных вэб-сайтах. Гэта дапамагае нам знаходзіць адказы на спецыфічныя пытанні па паляпшэнні Firefox, напрыклад, як лепш інтэграваць папулярныя сайты ў пэўных мясцовасцях.

Перадрэлізныя версіі Mozilla Firefox - гэта платформа для распрацоўшчыкаў, яна часта абнаўляецца, з'яўляюцца эксперыментальныя функцыі. Мы збіраем больш звестак у прэ-рэлізных версіях, каб зразумець, як гэтыя эксперыментальныя магчымасці працуюць. Вы можаце адключыць збор гэтых звестак у наладах.

Але чаму вы ўвогуле збіраеце звесткі?

Калі мы не ведаем, наколькі браўзер прадукцыйны і якімі функцыямі людзі карыстаюцца, мы не можам зрабіць яго лепей і выпускаць выдатны прадукт, які вы хочаце. Мы ўкладваемся ў стварэнне прылад для збору і аналізу звестак, якія дазваляюць нам прымаць разумныя рашэнні наконт нашага прадукту, паважаючы прыватнасць людзей.

Збор звестак усё ж турбуе мяне. Ці магу я выключыць яго?

Да. Кіраванне ў руках карыстальніка - адзін з нашых прынцыпаў прыватнасці даных. Мы ўвасабляем яго ў Firefox на старонцы наладак прыватнасці, якая служыць у якасці аднаго акна для ўсіх, хто кантралюе сваю прыватнасць у Firefox. Вы можаце выключыць збор звестак там.

Што пра звесткі майго ўліковага запісу?

Мы вялікія прыхільнікі мінімізацыі звестак і не пытаем пра рэчы, якія нам не трэба.

Вам не патрэбен уліковы запіс, каб карыстацца Firefox. Уліковыя запісы патрэбны для сінхранізацыі звестак паміж прыладамі, але мы пытаемся толькі адрас эл.пошты. Мы не хочам ведаць, якое ваша імя, адрас, дзень нараджэння і нумар тэлефона.

Вы выкарыстоўваеце лічбавую рэкламу як частку вашага маркетынгу. Ці купляеце вы звесткі пра людзей для лепшага нацэлення рэкламы ў сеціве?

Не, мы не купляем звесткі пра людзей у мэтах рэкламы.

Мы просім нашых рэкламных партнёраў выкарыстоўваць толькі звесткі з першых рук, якія вэб-сайты і выдаўцы ведаюць пра ўсіх карыстальнікаў, такія як браўзер і прыладу, якімі вы карыстаецеся.

Добра, здаецца, вы сапраўды на маім баку ўва ўсіх гэтых рэчах, датычных прыватнасці.

Гэта так.

Даведайцеся больш пра тое, як Mozilla абараняе інтэрнэт.