ISetqsiyen FAQ n tbaḍnit n yisefka n Mozilla

Ɣur-neɣ imdanen ifen idrimen

D ayen ẓẓayen i yemdanen akken ad issinen ayen zemren ad rǧun seg iseɣẓan neɣ tanfiwin seqdacen ass-a. Tatiknulujit d tukrist, imdanen ur sɛin ara akud akken ad selḍen talqayt. Aya d ameɣtu ula i Firefox, anida nettaf d akken imdanen sɛan deqs n tiktiwin yemgaraden ɣef wamek itteddu uminig Web-nsen.

Di mozilla nettqadeṛ, daɣen nemmestan isefka-ik udmawanen.

  • Neṭṭafaṛ azrir n Insayen ɣef tbaḍnit n isefka ara yemudden talɣa n tarrayt-nneɣ icudden ar tbaḍnit deg useqdec n yiminigen Firefox i uselkim neɣ aziraz.
  • Nleqqeḍ kan ayen nesra akken ad d-nesnulfu ifarisen ufrinen.
  • Nettumuddu i yiseqdacen akked tiseqdacen tuṭṭfa gar ifassen n tudert-nsen srid akked beṭṭu n yisefka-nsen.
  • Nedda akked tikti "ulac ayen fiɣef ur negmin". Amahil-nneɣ ihi d aheggi n wudem amek ara walin yimdanen tilawt n Firefox.

Isteqsiyen d tririyin id-iteddun ad k-ɛawnen ad tegzuḍ ayen tzemreḍ ad terǧuḍ seg Mozilla akked Firefox:

Seqdaceɣ Firefox i yal taɣawsa di Web. Di Mozilla, ad tilim tesnem aṭas fell-i, d tidet?

Firefox, iminig Web yellan ɣef ibenk-inek neɣ uselkim-inek, d tiqenteṛt-k ɣer internet. Iminig-inek ad isefrek aṭas n telɣut ɣef ismal web i tettwaliḍ, dacu talɣut-agi ad teqqim deg ibenk-inek. Mozilla, takebbanit id-isnulfan Firefox, ur tleqqeḍ ara talɣut-agi (arama ma tsutreḍ-d aya).

S tedett, ur tleqqeḍ ara amezruy-iw n tunigin?

Mozilla ur tessine ara ugar ɣeftanumi-ik deg tunigin. S tidet kan, nekni yellan d amaẓrag n yiminig, d acqirrew meqqren ɣur-neɣ. Ɣef waya i nefṣel ifecka yebnan ɣef ufran s lebɣi, am Firefox Pioneer, i yeṭṭaǧǧan iseqdacen akked tiseqdacin i yebɣan ad aɣ-d-mudden udem n tunigin-nsen. Ticki temtawiḍ azray-ik n tunigin gar isbeddiyen n Firefox, nekni ur neẓri ara, acku yettwawgelhen ɣef yibenk-ik.

Ittban-d dakken akk tikebbaniyin web ttaɣent u znuzuyent isefka-inu. Ula d kunwi ahat ur temgaradem ara fell-asent.

Mozilla ur teznuzu, ur d-tettaɣ isefka fell-ak.

Rǧu, amek ihi i d-ssekcam tadrimt?

Mozilla mačči d tuddsa am tiyaḍ. Tennulfa-d seg usenfaṛ n terbaɛt n useɣzan ilelli deg 1998. Mozilla yellan d tasbeddit i yettwalin iman-is ɣur-s tuɣdaḍt n useḥbiber ɣef Internet uzmir. Tuget n ubaɣur n Mozilla Corporation yekka-d seg lexlaṣ n yimendiden s yiimseddayen n unadi neɣ amtawa n akked wiyaḍ deg umaḍal. Tzemreḍ ad teẓreḍ ugar ɣef wamek i d-ngemmer tadrimt deg uneqqis s useggas n tedrimt.

Ih, ar tura ishel. Aniwi isefka i tleqḍem?

Mozilla tleqqeḍ-d kan kra n yisefka i ilaqen i Firefox, wid ara imudden tallelt akken ad negzu amek imdanen seqdacen inimig. Isefka-a cudden ɣer usulay agacuran mačči ɣer yisem neɣ tansa n yimayl. Akken ad tissineḍ ugar, tzemreḍ ad twaliḍ tasertit-nneɣ tabadnit daɣen tzemreḍ ad teɣreḍ tasemlit yemmden icudden ɣer ulqaḍ n yisefka.

Tasemlit-nneɣ d tazayezt akken yal yiwen ad yizmir ad isenqed dakken ayen id-neqqar d tidet, ini-aɣ-id ayen ilaq ad nesnerni, tzemreḍ ad twaliḍ ur neffir kra.

Tasemlit-a d timseɛreqt i nekk. Ɣur-wen lqem s teqbaylit yettwafhamen kra?

Llant snat n taggayin n isefka i nleqqeḍ s wudem amezwer di lqem uzwir n Firefow.

Tamenzut d ayen i wumi qqaren " Isefka itiknikayen."D isefka-agi ɣef iminig, am unagraw n wammud iteddun akked d talɣut ɣef tuccḍiwin neɣ iɣelluyen.

Tis snta tcudd ɣer "yisefka n temyigawt". D isefka icudden ɣer ɣer wamek yettili useqdec n Firefox am umḍan n yiccaren yeldin, addad n yismenyifenn useqdac neɣ acḥal n tikwal i tettwaseqdec tmahilt (tuṭṭfa n ugdil neɣ iccaren n usatal, s umedya kan). Akken ad neṭṭef amedya yesɛan azal, ad tsendeḍ ɣef tqeffalt "aseter yezrin, Tignit s talɣa n uneccab deg tama n ufella azelmaḍ. Ad nsekles ma yella yiwen iseqdec tamahilt-a maca ur nẓeṛ ara anwa isebtar i yettwarzan.

Tleqqḍem daɣen isefka-nniḍen deg ileqman uzwiren n Firefox?

D tidet. Ɣer tama n yisefka i d-yettwasgelmen nnig-a, nremmes-d s wudem awurman ineqqisen n uɣelluy akked tuccḍiwin deg yileqman uzwiren n Firefox.

Izmer daɣen ad d-nelqeḍ isefka-nniḍen deg yileqman uzwiren i yiwet seg tezrawin-nneɣ. Amedya, kra n tezrawin srant yen i wumi nsemma "isefka n urmud web", ayen izemren ad yegber tansiwin URLs akked telɣut-nniden ɣef yismal web. Ayagi ad aɣ-d-imudd tallelt ad d-naf tiririt i yisteqsiyen akken ad nesnerni Firefox, amedya, amek ara d-nger kra n yismal web yettwassnen deg kra n tutlayin.

Ileqman uzwiren n Forefox n Mozilla d inagrawen n tneflit, i yettwaleqqamen sya ɣer da s tamhilin tirmitanin. Nleqqeḍ ugar n yisefka deg yileqman uzwiren ugar n wayen i nleqqeḍ deg yileqman i irekden akken ad negzu amek teddunt tmahilin-a tirmitanin. Tzemreḍ daɣen ad teffɣeḍ seg ulqaḍ-a n yisefka deg yileqman uzwiren s usbadu n yismenyifen-ik.

Maca quɣer i tleqqḍem yal asefku yella?

Ma yella ur nessaweḍ ara ad d-naf amek yettwaseqdec yimingi-ik neɣ ad nẓeṛ timahilin i seqdacen yiseqdacen, ur nettizmir ara ad nesnerni daɣen ad d-nmudd afaris i ak-ilaqen. Negmen akken ad nebnu ifecka n ulqaḍ akked tasleḍt n yisefka ara ɣ-yeǧǧen ad tt-negzem di ṛṛay ɣef unerni n yiminig maca s uqadeṛ n tbaḍnit n medden.

Alqqaḍ n isefka ittawi-yi-d ibugen. Zemreɣ ad t-senseɣ?

Ih. Tuṭṭfa n yisefka gar ifassen-ik d yiwen seg wansayen-nneɣ n tbadnit. Nessemras-it deg Firefox deg usebter n yiɣewwaṛen n tbaḍnit-nneɣ, i yesdukkulen iɣewwaṛen n ummesten n tudert tabaḍnit deg Firefox. Tzemreḍ ad tsenseḍ alqaḍ n yisefka dagi.

I yisefka n umiḍan-iw?

Numen ɣef usemẓi n ulqaḍ n isefka u ur nsutur ara ayen ur nesri.

Ur tesriḍ ara amiḍan akken ad tesqedceḍ Firefox. Imiḍanen ttwasran i umtawi n isefka deg yibenkan, ad nsuter kan tansa imayl-ik. Ur nettqellib ara ɣef tɣawsiwin am issem, tansa, azemz n tlalit akked uṭṭun n tiliɣri.

Tseqdacem adellel umḍin deg telzuzit-nwen. Tettaɣem isefka n yemdanen i usaḍas n idellilen di Web?

Ala, ur neznuzu ara isefka n yimdanen i udellel.

Nessutur i yomendiden-nneɣ ad bnun kan ɣef yisefka igejdanen aniɣer imaẓragen akked yismal keččlen srid i yiseqdacen meṛṛa, am yiminig akked yibenk yettwaseqdacen.

Ini hi, yettban d akken aseḥbiber ɣer tbaḍnit-iw terza ulawen-nwen.

Ih, nxeddem-it.

Af-d ugar n telɣut ɣef wamek Mozilla yemmestan internet.