D acu i d iminig web?

Iminig web yettawi-k anda tebɣiḍ deg internet, yettaǧǧa-k ad twaliḍ iḍrisen, tugniwin akked tvidyutin seg yal adeg deg umaḍal.

Web d afecku wessiɛen, iǧehden. D iseggasen aya tura, internet tbeddel aṭas udem i tudert-nneɣ ama deg uxeddim, ama deg wurar ula deg wassaɣen gar yimdanen. S wudem-agi swayes tettwaseqdac tettcuddu gar yiɣlanen, tsermad ssuq, txelleq-d assaɣen, tsenkar asnulfu deg yimal, d tamasyat daɣen ɣef waṭas n umɛaned deg wayen ur neẓri sani ad aɣ-yawi.

D axatar dakken yal yiwen ad yezmer ad ikcem ɣer web, maca ilaq daɣen meṛṛa-nneɣ ad negzu ifecka i nesseqdac akken ad nekcem ɣur-s. Nesseqdac iminigen am Mozilla Firefox, Google Chrome, Microsoft Edge d Apple Safari yal ass, maca negza d acu-ten d wamek tteddun? Deg wakud wezzilen, nɛedda-d seg usewhem n tezmert n tuzna n yimayl i ḥedd deg umaḍal ɣer ubeddel n tmuɣli-nneɣ ɣef wayen yerzan talɣut. Dayen mačči d tamsalt n wacḥal i tessneḍ, maca d tamsalt n wayen i yezmer yminig neɣ asnas ad ak-yawi tulɣut-nni s tɣawla ugar.

Amek i yetteddu yiminig?

Iminig n web ad ak-yawi sani tebɣiḍ deg internet. Yettarra-d talɣut n yiḥricen-nniḍen n Web syen yeskanay-itt-id ɣef tnarit-inek d yibenk-inek aziraz. Talɣut tettwazen s tallalt n uneggaf n tuzzna n waflaḍris i d-yemmalen amek aḍris, tugniwin d tvidyutin i ttwaznen ɣef web. Talɣut-a ilaq ad tettwabḍu, ad tettwasken deg yiwen umasal anmeẓẓal akken imdanen iseqdacen n yiminigen-nniḍen , deg umaḍal ad izmiren ad tt-walin.

Nesḥassef, imfarsen n yiminigen mačči kifkif akk i ferrnen asegzi n umsala. I yiseqdacen, ayagi yebɣa ad d-yini asmel n web yezmer ad d-ibin yerna ad iddu akken-nniḍen. Asnulfu n tenmeẓla gar yiminigen, akken yal aseqdac ad yizmir ad ifaṛes seg Internet ɣef yal iminig ara yefren, iwumi qqaren illugan n web

Mi ara d-yerr yiminig web isefka seg uqeddac yeqqnen ɣer internet syen ad iseqdec aḥric seg useɣzan iwumi qqaren amsadday n tuɣalin akken ad yerr isafka-a d aḍris neɣ d tugniwin. Isefka-a ttwarun ɣef Hypertext Markup Language (HTML), iminigen n web qqaren tangalt-a akken ad d-suffɣen ayen nettwali, nsell d termit-nneɣ deg internet.

Afliseɣzan sirigen i yiseqdacen ad ḍefren yiwen abrid ɣer yisebtar-nniḍen d yismal ɣef web. Yal asebter n web, tugna neɣ tabidyut ɣur-sUniform Resource Locator (URL) ines weḥd-s, qqaren-as daɣen tansa n web. Mi ara yerzu yiminig ɣer yiwen uqeddac ɣef yisefka, tansa n web temmal-d i yiminig anida ara inadi yal aferdis yettwagelmen deg html, syen ad as-temmel sani ara yerzu deg usebter n web.

Inagan n tuqqna (mačči anaw aẓidan)

Ismal n web seklasen talɣut fell-ak deg ufaylu iwumi qqaren inagan n tuqqna. Ttwaskelsen deg uselkim-inek i tirza i d-iteddun ɣer usmel-nni. Mi ara d-tuɣaleḍ, tangalt n usmel web ad d-tɣer afaylu-nni akken ad tẓer d kečč. D amedya, mi ara terzuḍ ɣer usmel-nni web, asebter tecfa-d i yisem n useqdac-inek d wawal uffir, ayagi yella-d s yinigi n tuqqna.

Llan daɣen yinagan n tuqqna yesseklasen talɣut s ttfaṣil fell-ak. Ahat ayen tḥemmleḍ, tannumi-inek n tunigin deg web, rtg. Anamek n waya, asmel yezmer ad ak-d-yefk agbur i ak-iwatan swaswa – di tuget s talɣa n udellel. Llan wanwan n yinagan n tuqqna, qqaren-asen inagan n tuqqna wis kraḍ, i d-yekkan seg yismal wuɣur urǧin terziḍ uqbel, ad ak-ṭṭefaren seg usmel ɣer wayeḍ akken ad leqqḍen talɣut fell-ak, ara snuzun tikwal i tkebbaniyin-nniḍen. Tikwal tzemreḍ ad tesweḥleḍ inagan-agi n tuqqna, maca mačči akk iminigen qebblen aya.

Tigzi n tbaḍnit

Tuget n yiminigen igejdanen sɛan iɣewwaren n tunigin tusligt. Ayagi i tuffra n uzray n tunigin n yiseqdacen-nniḍen ɣef yiwen n uselkim. Aṭas n yimdanen i iɣilen tunigin tusligt neɣ askar n tunigin tusligt teffren ɣef tikkelt timagit-nsen d uzray n tunigin ɣef yisaǧǧawen n tnafa n internet, ɣef wid iḥekkmen d wid ixeddmen adellel. Mačči akka i yella lḥal. Iɣewwaren-agi tekksen kan azray seg unagraw-inek, d ayen yelhan ma yella tseqdaceḍ talɣut tudmawant tabaḍnit ɣef uselkim i seqdacen wiyaḍ neɣ ɣef uselkim azayaz. Firefox iɛedda akk i waya.

Anagraw-ik ur igbir ara ayen iwulmen i Firefox, acu kan ɛreḍ yiwen seg yileqman-a:

Anagraw-ik ur igbir araayen iwulmen i useddu n Firefox.

Anagraw-ik ur igbir araayen iwulmen i useddu n Firefox.

Ma ulac aɣilif ḍfer tinaḍin-agi akken ad tesbeddeḍ Firefox.

Tasertit tabaḍnit n Firefox

Firefox ad ak-iɛawen ad tiliḍ d uslig ugar deg uẓeṭṭa s tuǧǧit-ik ad tesweḥleḍ ineḍfaren seg uḍfar-ik deg web.

Tiririt n yiminig-ik web ad ixeddem fell-ak

Tugget n yiminigen web igejdanen ttaǧǧan iseqdacen ad sniflen tarmit-nsen s yisiɣzaf d yizegrar. Isiɣzaf d iseɣẓanen i tzemreḍ ad ternuḍ i yiminig-ik akken ad t-tsagneḍ neɣ ad ternuḍ timahilin. Isiɣzaf zemren ad gen akk anawen n tɣawsiwin i yesnecraḥen d tid i ilaqen am urmad n tmahilin timaynutin, imawalen n tutlayin tijenṭaḍin neɣ irwas imwalanen d yisental.

Imfarsen akk n yiminigen snernayen ifarisen-nsen akken ad d-seknen tugniwin d tbidyutin s lemɣawla d sshala ugar. Ayen ara ak-yeǧǧen ad d-tesfaydiḍ ugar seg web. Xeddmen akk ayen yellan fell-asen akken ad ḍemnen i yiseqdacen iminig arurad, iǧehden rnu isehen i useqdec. Yelha aṭas ad tferneḍ iminig ifazen i yiman-ik. Mozilla tebna Firefox akken ad teḍmen i yiseqdacen aqader n tudert-nsen deg uskar uqqin, akken daɣen ad teḍmen internet d aɣbalu azayez amaḍlan, d uffran i yal yiwen.