Mozilla VPN
Mozilla VPN per Ubuntu Linux – in pèr perfect per la sfera privata
Sco fan dad Ubuntu e Linux enconuschas ti gia l'impurtanza da la protecziun da datas e da la segirezza online. Probablamain es ti era gia infurmà davart Mozilla e noss intent – in internet privat, avert e liber per ina e mintgin. Igl è ura e temp dad unir las duas chaussas.
Dà in'egliada als pretschs & a la disponibilitadTia sfera privata è nossa empermischun
Prenda ulteriuras mesiras da segirezza cura che ti es online – tant a chasa sco era en viadi – cun Mozilla VPN. Per ina tariffa mensila favuraivla utilisescha la software il protocol avanzà WireGuard® per criptar tia connexiun cun l'internet sin tes computer da Linux sco era sin auters tips dad apparats. Uschia pos ti streamar emissiuns, giugar games, far cumpras e viver tes mintgadi online, savend che ti es segir.
Sco in dals nums ils pli fidads dal sectur tecnologic s'engascha Mozilla per che possias ta sentir segir e protegì mintga giada che ti es online.
Tge che ti survegns cun Mozilla VPN:
- Protecziun per maximalmain 5 apparats
- Access a servers en passa 30 pajais
- Criptadi a nivel da l'apparat
- Nagina restricziun dal volumen da datas transferibel
- Naginas registraziuns da tias activitads online – mai
Ta protegia en l'internet cura che ti stos duvrar in WLAN public
Mintgatant è in WLAN public la meglra ed unica opziun. Mozilla VPN ta pussibilitescha dad acceder cun buna conscienza a tes conto dad e-mail davent da l'eroport, da midar tes pleds-clav en ina café – tut quai che ti fas normalmain a chasa, cun la medema tranquilitad.
Segirezza cun 1 singul clic
L'utilisaziun da Mozilla VPN è super simpla. Tutga simplamain in buttun per criptar tia connexiun e zuppentar l'adressa IP sin tes iPhone u iPad cun agid dal protocol avanzà WireGuard®.
Ta connectescha cun passa 500 servers en 30 differents pajais
Mozilla VPN ta pussibilitescha da definir la posiziun da tes computer Linux cun tscherner in da passa 30 pajais e ta renda accessibel nov cuntegn fascinant da tut il mund.
Connectescha enfin a 5 apparats
Cun in singul abunament pos ti utilisar Mozilla VPN sin enfin a 5 apparats cun differents sistems operativs, numnadamain Linux, Windows, Android, Mac ed iOS per iPhone ed iPad.
Sveltezza fenomenala cun datas illimitadas
Gioga games, streamescha films ed emissiuns e navighescha en il web cun sveltezza maximala e senza limitaziun dal volumen da datas – Mozilla VPN n'enconuscha nagins cunfins.
Tias datas èn tias
Tscherts VPNs registreschan tias activitads sin lur servers. Mozilla VPN na ta fastizescha betg online – quai è in aspect impurtant da l'intent da nossa interpresa.