Lightbeam-i është një shtesë për Firefox e cila përdor vizualizime ndërvepruese për t’ju treguar sajte parësorë dhe palësh të treta me të cilët ndërveproni në Web. Teksa shfletoni, Lightbeam-i nxjerr në pah thellësinë e plotë të Web-it sot, përfshi palë që nuk janë transparente ndaj përdoruesit të zakonshëm.
Shkarkoni Lightbeam-in për Firefox Merreni prej Shtesave Mozilla
Jo çdo ndjekje është e keqe. Për të ofruar lëndë me vlerë dhe për të thelluar punimin tuaj në internet, mjaft shërbime bazohen te të dhëna përdoruesish. Por ndjekja mund të ndodhë pa dijeninë e përdoruesit. Për disa, kjo nuk shkon. Duhet të jeni ju ata që vendosin se kur, si dhe nëse dëshironi që të ndahen me të tjerët të dhëna nga shfletimi juaj. Ne e vlerësojmë rëndësinë e transparencës dhe misioni ynë lidhet tërësisht me fuqizimin e përdoruesve — si me mjete, ashtu edhe me informacion. Mbi Lightbeam-in »
Pasi ta shkarkoni dhe instaloni shtesën Lightbeam te Firefox-i, ajo do të fillojë të krijojë një vizualizim të atypëratyshëm të sajteve që vizitoni dhe krejt palëve të treta që janë gjithashtu aktive në këto faqe.
Teksa vizualizimi juaj rritet, mund të këqyrni më nga afër marrëdhëniet mes palësh të ndryshme parësore dhe të treta që janë depozituar te të dhënat tuaja. Të dhënat tuaja mund t’i zeroni ose ruani në çfarëdo kohe.
Puna e Ford Foundation-it përqendrohet në krijim fushatash për të ndihmuar njerëzit të kuptojnë ndjekjen e të dhënave në internet — si përfitimet, ashtu edhe problemet. Mësoni më tepër »