Telechargiar Firefox

Firefox na vegn betg pli sustegnì sin Windows 8.1 e pli vegl.

Telechargia per plaschair Firefox ESR (Extended Support Release) per utilisar Firefox.

Firefox na vegn betg pli sustegnì sin macOS 10.14 e pli vegl.

Telechargia per plaschair Firefox ESR (Extended Support Release) per utilisar Firefox.

Las directivas da Firefox per la protecziun da datas

Modus da navigaziun privat da Firefox

Sche ti partas in computer cun autras persunas u sche ti vuls limitar la quantitad da datas che websites pon rimnar da tai, pos ti duvrar il modus da navigaziun privat en Firefox. Il modus privat stizza ils fastizs digitals che ti laschas enavos sche ti navigheschas en l’internet – ti als pos t’imaginar sco passidas en il guaud.

Tge fa il modus privat?

Il modus da navigaziun privat avra ina nova fanestra dal navigatur. Sche ti la serras, vegn la cronologia da questa fanestra ed ils cookies che fastizeschan da websites che ti has visità, stizzads. Tip per experts da Firefox: Betg emblidar da serrar la fanestra da navigaziun privata cura che ti es a fin!

Ina fanestra dal navigatur Firefox en il modus privat.

Tge ch’il modus privat na fa betg

Il modus privat na vegn ni a stizzar segnapaginas che ti agiuntas en ina fanestra dal modus privat, ni a ta proteger da software nuschaivla u virus. Il modus n’evitescha era betg che websites visitadas vesian tia posiziun geografica e n’impedescha era betg ch’il purschider d’internet registreschia tge che ti fas. Ti dovras in VPN fidabel per quest intent.

Cumparegliaziun dal modus privat da Firefox cun il modus incognito da Chrome.