Telechargiar Firefox

Firefox na vegn betg pli sustegnì sin Windows 8.1 e pli vegl.

Telechargia per plaschair Firefox ESR (Extended Support Release) per utilisar Firefox.

Firefox na vegn betg pli sustegnì sin macOS 10.14 e pli vegl.

Telechargia per plaschair Firefox ESR (Extended Support Release) per utilisar Firefox.

Las directivas da Firefox per la protecziun da datas

È Firefox in navigatur discret?

Gea. Firefox protegia tia sfera privata cun funcziuns sco il modus privat. Quel pussibilitescha che tia cronologia da navigaziun e tes pleds-clav restian privats, perfin sche ti utiliseschas in apparat che ti partas cun autras persunas, per exempel in computer u iPad da famiglia.

Firefox protegia era tia sfera privata cun agid da la protecziun avanzada cunter il fastizar cun bloccar fastizaders che ta suondan da website a website e rimnan infurmaziuns davart tias disas da navigar. Quai includa era protecziuns cunter scripts donnegius e malware.

Remartga a l'ur: Nus n'essan nagin concern. Nus faschain tut in zic auter. Dad esser independent (nagins acziunaris) ans permetta da dar la prioritad a las persunas, betg al profit. Cuntrari ad autras interpresas, na vendain nus betg l'access a tias datas.

Tge infurmaziuns rimna Firefox?

Mozilla (l’organisaziun che realisescha Firefox) dat gronda paisa a la protecziun da datas. Gronda paisa. Effectivamain sa cunfa mintga product Firefox che nus sviluppain cun nossa empermischun areguard las datas persunalas: Rimnar pauc. Proteger bain. Nagins secrets.

Legia las infurmaziuns davart la protecziun da datas da Firefox per ulteriuras infurmaziuns. Seriusamain: Dà in tgit. Igl è scrit en grondezza legibla ed insumma tut normal.