Telechargiar Firefox

Firefox na vegn betg pli sustegnì sin Windows 8.1 e pli vegl.

Telechargia per plaschair Firefox ESR (Extended Support Release) per utilisar Firefox.

Firefox na vegn betg pli sustegnì sin macOS 10.14 e pli vegl.

Telechargia per plaschair Firefox ESR (Extended Support Release) per utilisar Firefox.

Las directivas da Firefox per la protecziun da datas

Administraziun da pleds-clav gratuita

Firefox memorisescha a moda segira tes nums d'utilisader e pleds-clav per acceder a websites, emplenescha automaticamain las das datas d'annunzia la proxima giada che ti visitas ina website e ta pussibilitescha dad administrar tias datas d'annunzia memorisadas cun la funcziun integrada per l'administraziun da pleds-clav.

Cun in conto Mozilla gratuit pos ti sincronisar a moda segira tes pleds-clav sin tut tes apparats. En pli pos ti acceder a tut tschels products da Mozilla che respectan tuts tia sfera privata.

Endataziun automatica da pleds-clav per s'annunziar pli svelt

Firefox po endatar automaticamain tes num d'utilisader e pled-clav memorisà. Sche ti has pliras datas d'annunzia per ina website, pos ti simplamain tscherner il conto che ti vuls e nus cuntinuain cun quel.

Maletg dad in formular d'annunzia dad ina website en Firefox che mussa plirs contos memorisads che stattan a disposiziun cun s'annunziar.

Import da pleds-clav

Ti pos utilisar l'assistent d'import per importar a moda simpla (magica) nums d'utilisader e pleds-clav memorisads en Chrome, Edge, Safari u x-in auter navigatur. Tscherna «Pleds-clav» en il menu e clicca lura sin «Importar en Firefox» giusut la pagina dad infurmaziuns d'annunzia e pleds-clav.

Maletg dal dialog cun l'assistent d'import da Firefox che mussa las opziuns per importar parameters e datas dad auters navigaturs.

Mai pli reutilisar tes pleds-clav

Utilisescha Firefox per crear in ferm pled-clav unic per mintga conto che ti has en il web – uschia è mo pertutgà in conto en cas ch'in da tes pleds-clav vegn revelà entras ina sperdita da datas, e tschels contos n'èn betg tangads.

Maletg dad in formular da registraziun dad ina website cun Firefox che propona in ferm pled-clav che vegn memorisà automaticamain per l'utilisar en l'avegnir.

Avis da segirezza per ils pleds-clav

Firefox t'avertescha sch'in pled-clav è vegnì revelà en connex cun ina sperdita da datas, per che ti possias al midar avant che hackers pon far insatge cun las datas (p. ex. prender a fit in Lamborghini cun tia carta da credit).

Maletg da l'administraziun da pleds-clav da Firefox che mussa in avertiment cun il text «Quest pled-clav è vegnì utilisà per in auter conto pertutgà dad ina sperdita da datas. La reutilisaziun da pleds-clav periclitescha tut tes contos. Mida quest pled-clav.»