firefox-ios-firefox-browser

Firefox per Android, tia scursanida en l'internet

Lascha mussar tut tes tabs averts, tias ultimas retschertgas e las paginas-web preferidas en in lieu cun Firefox per Android.

Telechargiar da Google Play

Telechargia Firefox per Android

Scannescha il code QR per entschaiver

Scannescha il code QR per telechargiar Firefox sin Android

Svelt e privat

Firefox per Android porscha ina protecziun da datas senza cumplicaziuns e pussibilitescha ina chargiada sveltischma da las paginas-web. La protecziun avanzada cunter fastizaders blochescha automaticamain fastizaders che ta suondan tras il web e ralenteschan la navigaziun.

Mo tutgar per activar il modus privat

Activescha il modus privat mo cun tutgar cun il det. E cura che ti bandunas il modus privat, vegn tia cronologia stizzada automaticamain da tes apparat.

Tschertga en tia moda e maniera

Has ti in grond telefon e poleschs da grondezza mesauna? Nagin problem. Firefox per Android ta pussibilitescha da spustar la trav da tschertgar da sisum a l'ur giudim per facilitar il diever cun in maun. Ti pos era tscherner tia atgna maschina da retschertga en il navigatur e definir en cas da basegn Firefox sco tes navigatur da standard.

Spargna energia cun il modus stgir

Mida da temp en temp en il modus stgir per schanegiar tes egls e la battaria.

Tegna sut controlla tes visur da partenza

Cuntanscha pli svelt quellas parts da l'internet che ta stattan a cor. Chatta tuts tes tabs averts, tias ultimas retschertgas, tes segnapaginas e tias websites preferidas en in lieu.

Optimescha Firefox cun supplements

Ils supplements sumeglian a pitschens utensils potents che ti pos agiuntar a tes navigatur per exempel per optimar las configuraziuns da standard da la protecziun da datas e per persunalisar tia experientscha en la rait.

Cuntinuescha là nua che ti has smess

Mida da tes telefon sin tes laptop, tablet ed enavos senza interrupziuns. Cun Firefox sin tuts tes apparats pos ti prender cun tai tes segnapaginas, pleds-clav, tias datas d'access e tia cronologia nua ch'i saja.

Tschertga directamain cun il visur da partenza da tes telefonin

I na fa betg da basegn dad avrir l'applicaziun. Agiuntescha il widget da retschertga da Firefox e cumenza a retschertgar il web directamain en il visur da partenza da tes apparat.

Fixescha videos sin tes visur

Ti pos liberar videos da lur paginas-web u players ed als fixar en il fund davant dal visur da tes telefonin per als guardar durant che ti navigheschas en la rait e fas autras chaussas. Uschia pos ti ta trategnair durant il multitasking.

Davart Mozilla

Mozilla è qua per render accessibel l'internet sco resursa publica per tuts perquai che nus essan persvas che avert e liber saja meglier che serrà e controllà. Nus sviluppain products sco Firefox e Pocket per promover la schelta, la transparenza e l'autonomia da las utilisadras e dals utilisaders.