Internet uzmir yeldi i usnulfu

Internet yettwabna ɣef wawal d akken yal yiwen seg-neɣ ad yizmir ad yernu tiɣawsiwin meqqren i d-iteddun. Akken ad neǧǧ asnulfu, axemmem, asumer, asugen d usnulfu n yilel-nneɣ srid, iḥricen n bennu n Web yessefk ad ilin ldin akk i yimdanen, ihi lwaḥid nesra ad neḍmen d akken tisertiyin d isuḍaf iḥekkmen iḥricen-agi teddun udiɣ ulac deg-sen maḥyaf. Internet uzmir d kečč ara t-yernun.

Aɣbalu yeldin : ḍmen d akken lsas n bennu yettmuddu afud n usnulfu

Yessefk aɣbalu yeldin ad ikemmel ad yili deg ul n Internet, akken ad nizmir akk ad nwali, ad nsenqed udiɣ ad nkemmel imal-is.

Aseɣẓan n uɣbalu yeldin - titiknulujiyin bnant ɣef tengalt izemren ad ɣren, ad sqedcen neɣ ad beddlen imdanen _ d amsadday yezzuɣuren aḥric amuqqran si Internet, seg iqaddacen ar inagrawen n wammud, ar ibuṭen i d-igemren igmaḍ-ik n unadi. Tadumṣuka yegan Web d taɣbalut tazayzet: tafrawant, tettwaman, n uttekki, akken yal yiwen yesɛan tikti ad yizmir ad ittekki. Acu kan, ula d nekni ad nttekki s tezmert-nneɣ, yessefk ad nmudd ayen nezmer akken ad nseḥbiber fell-as.

Amek i tzemreḍ ad muddeḍ afus i uɣbalu yeldin

Amek Mozilla tettmuddu afus i uɣbalu yeldin

  • Ttekki di twennaṭ

    Ad nttekki srid di twennaṭ n unagraw ilelli s iseɣzanen-nneɣ, anagraw-nneɣ n tegrummiwin akked tadumṣuka-nneɣ, ad nsemɣeṛ tamezdagnut s useqdec n Mozilla Developer Network.

  • Tukci n tallalt

    Nesbedd MOSS, ahil n tallelt i uɣbalu yeldin sɣur Mozilla, akken ad nerr ayen i s-d-ittunefken i umussu ansa i d-nekka.

Tigezzulin: asebded n unagraw ara yemmudden tabɣest i usnulfu

Anagraw-nneɣ n tgezzulin yesssefk ad ifaṛes tagnitt seg usnulfu yeldin udiɣ ad ittekki deg unegmu-is, maca ur teddu ara mgal-is.

Tigezzulin ttwafeṣlen akken ad egent lḥir i usnulfu. Maca, anagraw n tigezzulin akked tneflit n iseɣzanen ur ttemlalen ara tikwal. Tigezzulin n iseɣzanen ttwarunt di ṭaqa n tikwal akken ad eǧǧent yir agzay akked izerfan i kra n yemdanen kan zemren daɣen ad aɛddin ugar n tenzat n tudert n ufaris s timmad-is. Ayagi meṛṛa yerra tilisa akked ccek i wid yebɣan ad d-snulfun, ig=hi d ayen yeǧǧan tabburt teldi i umennuɣ ɣef izerfan n tigezzulin .

Amek tzemreḍ ad tettekid di uheggi n tsertit n tigezzulin

  • Seqdec aseɣzan n uɣbalu yeldin

    Nadi iberdan-nniḍen n uɣbalu yeldin i yiseɣzanen i tseqdaceḍ yal ass. Tzemreḍ ad tafeḍ ɣef usmel-agi akked wagi.

Amek tettaru Mozilla taertit n tigezzulin

Telluẓeḍ ugar?

Γer af usnelfu yeldin di tecrawt n tezmert-nneɣ n Inetrenet.