Internet uzmir yal yiwen ad t-yernu, yal yiwen ad t-yesεu

Internet yella s lmendad n tɣara-is yeldin : taɣessa-is yeldin, yettwabḍan yeǧǧa yal yiwen ad yernu s wudem fessusen, ad yinig, ad yimqur. Acu kan tikebbaniyin timeqqranin ur bɣint ara tara-agi yeldin, ihi rennunt imeḍqan yettwamedlen yettḥaraben ɣef wayla-nsent udiɣ senqaden Web. Lwaḥid ad nizmir ad nennaɣ akken ad neḍmen ula yiwen ur yezmir ad yeg talast i unekcum-nneɣ ar Internet, tarmit, neɣ asnulfu. Tazmert yelhan n Internet i kečč.

Asrummes yemmal-d tarawsa n Net

Ur issefk ula d yiwen ad iseḥreṣ anekcul-nneɣ ar Web ɣef sebba n ubaɣur-is.

Ntekka ɣef isaǧǧawen n uẓeṭṭa – tikebbaniyin n usagu neɣ telecom– akken ad nekcem ar Internet. Ayagi dayen izemren ad d-imudden tazmert n useḥreṣ ɣef unekcum ar Internet akken ad snernin tadrimt-nsen, ad zwiren ifarisen-nsen, ad sweḥlen ismal neɣ ticraḍ, ad d-mudden tasqamt neɣ arured imgaraden ittéfaṛen anaw n ugbur. Tarawsa n Net ad tegdel isaǧǧawen n iẓeḍwa akken ur teggen ara maḥyaf mgal agbur, akken yal yiwen deg umaḍal ad ilin akk gdan ticki kecmen ar Internet.

Amek ara tseḥbireḍ ɣef trawsa n internet

  • Mudd-d tikti-k

    Amennuɣ ɣef trawsa n Net yettkemmil deg umaḍal. Ilugan yettusbedden di Marikan akked Turift yessefk ad ttuḥerzen, ad ttwasensen. Laɛi imḍebren n tmurt anida tettidireḍ, mudd-asen tikti-ik.

Amek Mozilla tseḥbibir ɣef trawsa n Internet

  • Ɣnes ɣef ubeddel n tsertit

    Amɛiwen srid akked tuddsiwin n usaḍuf akken ad nsumer neɣ ad nsemres asaḍuf yeddan deg idis n trawsa n Net di Marikan, di turuft, di Hend akked umaḍal meṛṛẓa.

  • Snulfu-d tamezdagnut

    Nezwir deg usnulfu n tmezdagnut tagraɣlant n iseqdacen n Internet yebḍan tikti-nsen yid-neɣ.

Asrummes yemmal-d tamahalant gar imdanen

Yessef Web ad yeqqim yeldi, ad yili d amhalan, akken tunigin di Web ad teqqim d amtawan, d arawsan, udiɣ yettak ddeqs n tignatin.

Tamahalant gar imdanen d awal meqqren nezzeh anida iswi fessus: tarrayt amek tettinigeḍ di Web yiwet-is deg iminigen meṛṛa, iselkimen, akked inargawen n wammud, acku Web yettwafṣel s talɣ-agi s useqdec n tegnutin yeldin. Tignutin yeldin sirigent daɣen i yal yiwen ad d-isumer asnulfu i yernernayen tarrayt n tunigin di Web. Maca, tamahalant gar imdanen tettṛuḥu deg inargawen imedlen - ihi tettṛuḥu-yaɣ tefrawant, attekki akked usnulfu.

Amek ara nmudd afus i tmahalant gar imdanen

  • Uɣal d amunan

    Asnulfu yezmer ad yekk seg yal tama, ladɣa s usebɣes. Ɛreḍ isnasen akked ifarisen i d-ittunefken sɣur tikebbaniyin ur tessineḍ ara yakan.

Amek Mozilla tseḥbibir tmahalant gar imdanen

  • Sbedd tignutin

    Nsefrak, nttemɛawan akked tuddsiwin n tegnutin am, comme l’IETF akked W3C.

  • Meslay s imedyaten

    Nerra azal n tamahalant deg iɣes n iseɣzanen-nneɣ, nettmuddu timanit i yineflayen web s useqdac n wallen am Mozilla Developer Network.

Asrummes yemmal-d asmizzwer d ufran

Yessefk Internet ad ikemmel ad yeldi tabburt i unmezgi zeddigen gar tkebbaniyin, tignatin i wid iseftayen tadrimt akked tanḍa di tukci i yiseqdacen.

Internet udmawan d tamuɣli yelhan. Maca seg ass ar wayeḍ, yagi yemmal-d afran n twennaṭ n unagraw n yiwet n tkebbanit. Tawennaṭ n unagraw yessifsusen tunigin ass-a, maca yezmer ad yerr ẓerb i ufran-ik ar zdat. Anmezgi ad tuɣal kan i tkebbaniyin izemren ad d-muddent ameẓlu yemden, d ayen ara yessiǧhiden tikebbaniyin timeqqranin n tetiknulujit, daɣen d ayen ara yerren axeddim ẓẓay i wid yebɣan ad seftin tadrimt-nsen akken ad sembiwlen alzuz s tektiwin yehan.

Amek yezmer ad tegeḍ tazrirt ɣef unmezgi akked ufran

  • Issin akken iwata anmekni

    Ḍmen ad tissineḍ anmeknii yessefk ad yili ticki teddiḍ ar twennat n unagraw n tguri. Mudd afus i tkebbaniyin akked imeẓla i d-yettaken udem ifazen n wayen tesriḍ - akked wazalen-ik.

Amek Mozilla ɣur-s tazrirt ɣef unmezgi akked ufran

  • Snegdu iduba n imesluganen

    Ɣnes ɣef trawsa n Net, Tasmeskelt n izerfan n umeskar, akked timsal -nniḍen tigraɣlanin.

  • Ḥareb ɣef tulya

    Asiwel i tignutin yeldin, aheggi n iseɣzanen ilelliyen , akked asiḥebiber ɣef tulya di yal tagnitt.

Asrummes yemmal-d attekki adigan

Yessef meṛṛa ad nizmir ad nttekki di Web, akken ad d-imudd udem neɣ ad faṛesen seg-s imdanen meṛṛa.

Ar ass-a, 3 n imelyaṛen n yimdanen deg umaḍal seqdacen Internet akken ad issinen, ad mahlen, ad uraren, ad meslayen. Maca mačči yal yiwen yetteka s wudem amegdayu. Ayagi yemmal-d d akken Web ur d-yettak ara udem n tanḍa n iseqdacen, ur iteddu ara akken iwata i kra yimdanen, udiq yezmer ad yerr di rrif ddeqs n iseqdacen neɣ timezdagnutin.

Amek tzemreḍ ad tmuddeḍ afus deg uttekki adigan

  • Bdu asnulfu

    Ɛreḍ tura ad ternuḍ agbur Web i tḥemleḍ, s tutlayt-ik. Thimble d allal ifazen akken ad tebduḍ.

Amek tettmuddu Mozilla afus deg uttekki adigan

  • Selmed asnulfu

    Nettmuddi ifecka akked tmusniwin i usnefli n tsuta d-iteddun n imesnulfuyen n web.

  • Aselmed n usideg

    Nettmuddu-d tasemlit i tsuqilt , akken agbur Web ad yili yettwagza i yimdanen yettmeqlayen tutlayin-nniḍen.

Telluẓeḍ ugar?

Ɣeṛ ugar ɣef usrummes deg Aneqqis n Tezmert n Internet.