Mozilla

Amezruy n usenfaṛ n Mozilla

Asenfar n Mozilla yennulfa-d deg 1998 s usufeɣ n tengalt aɣbalu n iminig Netscape. Iswi yella d asdukkel n wagimen n ineflayen id d-yesnulfuyen di Internet, wid id d-yettawin amaynut wuṛǧin yella di taɣult n iminigen. Deg useggass amezwaru, imttekkiyen imaynuten n tmezdagnut n umadal imeṛṛa, mudden yakan afus di tmahilin timaynutin, snernin tid-ak yellan, udiɣ snekren asefrek akked usɣiwes n usenfaṛ.

Seg mi id d-lul tmezdagnut yeldin, asenfaṛ Mozilla yuɣal meqqeṛ amzun d takebbanit. Imttekkiyen n tmezdagnut gren-d iman-nsen u smeɣṛen tuɣdaṭ taneẓlit— ur d-giren akan amahil n usenerni n iminig Netscape, sneflin daɣen deqs n iminigen , ifecka n tneflit akked isenfaṛen nniḍen. Tarrayin nu ttekki ɣer Mozilla tettili s deqs n tarrayin acukan yal yiwen ayen iḥemmel, akken ad d-snulfun iseɣẓanen ilelliyen ara yeǧǧn imdanen ad fernen deg useqdec n Internet.

Seld kra n iseggassen n tneflit, Mozilla 1.0, lqem amezwaru ameqqran, yeffeɣ-d deg useggass n2002. Lqem agi yegber deqs n unerni deg iminig, amsaɣ n tirawt akked isnasen nniḍen acukan ur yesɛi ara aṭas n iseqdacen. Di 2002, ugar n 90% n iseqdacen n Internet ttinigen s Internet Explorer. Drus n yimdanen i yewwalan lqem amezwaru n Phoenix (yettusemman sakin Firefox) i d-yeffɣen daɣen aseggass nni s yeswi n umuddu n termit tufrint di tunigin, ayagi deqs ur t-yeẓrin ara.

Di 2003, asenfaṛ Mozilla yessuli-d tasbeddit Mozilla, d tuddsa tamunant ur yettnadin ara idrimen i yettɛawanen yimdanen neɣ tikebbaniyin s umuddu n tewsa. Tasbeddit Mozilla i d-yelulen melmi kan, tettkemmil asefrek n usenfaṛ imeṛṛa u teddem tikti akken ad tesnerni s wudem unṣib alday, asnulfu akked tegnatin i d-yettmuddu Internet. Akken ad taweḍ iswiyen agi, tasbeddit tkemmel asnulfu n iseɣẓanen am Firefox akked thunderbird war am teǧǧa tiɣula nniḍen am tsigras akken ad tɛiwen leqdic icudden ɣer usnerni n unekcum ɣer Web.

Firefox 1.0 yeffeɣ-d di 2004, u yedda akken iwata — ur yebbiḍ ara useggass, yettwasider-d ugar n 100 n yefḍan n tikal. Seg imiren, ileqman imaynuten tteffɣen-d s wudem alugan, imdanen ttisen-t seg useggass ɣer wayeḍ. Tagdusnant n Firefox tessireg amuddu n ufran i yiseqdacen. Tamsizwert tamaynut tuɣal d asɣiwel n usnulfu udiɣ tessireg asnerni n Internet i yiseqdacen imeṛṛa.

Di 2013, nessenker Firefox OS akken ad d-nessuffeɣ akk tamusni n Web ɣef izirazen udiɣ ad nefk tikelt nniḍen afran akked usenqed i usirew nniḍen n iseqdacen s srid.

Mozilla terra tameɣṛa deg useggass wis 15 si tlalit ines di 2013. Tamezdagnut tbeggen-d d akken tikebbaniyin zemrent ad d-awint lfayda deg uttekki deg isenfaṛen n uɣbalu yeldin udiɣ iseɣẓanen imeqqranen zemren ad ilin d iseɣẓanen n uɣbalu yeldin. Weṛǧin, llan iseqdacen imaynuten itteqqen ɣer Internet am ass-a udiɣ seqdacen-t s tutlayt nsen Takebbanit ara yidiren tettwarna, tin iseqdacen imetwiyen n ulzuz akken ad tɛiwen tuɣdaṭ n lfayda tamatut. Taneqruft agi tsqedcen-tt tikelt nniḍen wiyaḍ akken ad rnuntuddsiwin yeldin, tifrawanin, temɛawanin di deqs n isenfaṛen.

Azekka yeččuṛ d asirem akked tezmert am tezmert n yezri. Ulac ṭmana akken Internet ad yeqqim yeldin, d abaḥan, d aɣelsan. Mozilla ad tekemmel amuddu n tegnitt i yimdanen akken awal nsen ad yaweḍ udiɣ ad izmiren ad sneqden tudert nsen s srid. Ihi akka i tella, mačči ala nekni i yexeddmen ayagi. Tamezdagnut Mozilla, akked isenfaṛen nniḍen n uɣbalu yeldin akked tuddsiwin nniḍen, ddrent imi llan imdanen ittekkan deg usiweḍ akken uheggi n yeswiyen agi unnimen. Ma tebɣiḍ ad tmuddeḍ afus i tuɣdaṭ nneɣ, tzemreḍ ad ttekkiḍ.

Ugar n telɣiut ɣef umezruy n Mozilla, tzemreḍ ad twaliḍ isebtar agi: