Synchronizacija wobhladowaka Firefox

Z Firefox móžeće tam pokročować, hdźež sće přestał, hdyž wot swojeho desktopoweho ličaka k swojemu mobilnemu telefonej abo tabletej přeńdźetej. Firefox wam zmóžnja, waše zapołožki, wašu přehladowansku historiju, waše hesła a wjace widźeć, njedźiwajo na grat, kotryž wužiwaće.

Registrujće so za darmotne Konto Mozilla a móžeće swoje daty wšudźe synchronizować, hdźež Firefox a druhe produkty Mozilla wužiwaće.

Wšě waše daty so na našich serwerach zaklučuja, zo njebychmy móhli je čitać – mamy jenož přistup k nim. Njepředawamy wabjerjam waše informacije, dokelž so to přećiwo našemu slubjenju datoweje priwatnosće přešło.

Sćelće rajtarki wot jednoho grata do druheho

Funkcija Rajtark pósłać w Firefox wam zmóžnja, strony z Firefox na jednym graće na druhe graty (na přikład iPhone, iPad abo grat Android) słać. Sće nastawk namakał, mjeztym zo na swojim telefonje přehladujeće, kotryž chceće čitać, hdyž so k swojemu pisanskemu blidu wróćeće? Abo wažny dokument z dźěła, kotryž chceće składować, hdyž so domoj wróćeće? Sće snano recept na swojim laptopje namakał, kotryž chceće na swój tablet w kuchni słać. Sćelće tón rajtark!