Přełožujće webstronu z Firefox
Jedna z najlěpšich wěcow wo interneće je, zo móžemy přistup k wobsahej po cyłym swěće měć. Hač dźe wo powěsćowe nastawki, blogi abo samo pohódnoćenje wašeho najnowšeho technologiskeho nastroja, móžeće wšitko w po wšěm zdaću njekónčnym webje namakać. Z najnowšej přełožowanskej funkciju Firefox budźe tutón nastroj webstronu we woprawdźitym času njepřestawajcy přełožować.
Mjeztym zo so druhe wobhladowaki na mróčelowe słužby spušćeja, so rěčne modele Firefox Translations na wobhladowak wužiwarja sćahuja a přełožki so lokalnje přewjedu, tak zo Mozilla njeregistruje, kotre webstrony přełožujeće.
Hdyž webstronu přełožujeće, wona priwatna wostawa
Hdyž so waše přełožki lokalnje předźěłuja, žane daty z wašeho wubraneho grata waš grat njewopušćeja abo na mróčelowe słužby za přełožowanje njespušćeja. To rěka, zo Mozilla njewě, kotru webstronu přełožujeće a wuzběhuje našu přełožowansku funkcije porno druhim přełožowanskim nastrojam.
Kotre rěče so tuchwilu podpěruja?
Slědowace rěče so tuchwilu přez přełožowansku funkciju Firefox Translations podpěruja:
- عربي
- Български
- Català
- Čeština
- Dansk
- Deutsch
- Ελληνικά
- English
- Español
- Eesti keel
- suomi
- Français
- Hrvatski
- magyar
- Bahasa Indonesia
- Italiano
- 日本語
- 한국어
- Lietuvių
- Latviešu
- Nederlands
- Polski
- Português
- Română
- Русский
- slovenčina
- Slovenščina
- Српски
- Svenska
- Türkçe
- Українська
- Tiếng Việt
- 中文
A dalše rěče su we wuwiću!
Firefox wašu rěč rěči
Funkcija Firefox Translations je dalša móžnosć, kak Mozilla waš internet personalizowany a priwatniši dźerži. Mozilla tomu njesćěhuje, kotre webstrony přełožujeće. Z milionami wužiwarjemi po cyłym swěće chce Mozilla zawěsćić, zo ći, kotřiž Firefox wužiwaja, po swojich wuměnjenjach wuknu, komunikuja, dźěla a informowani wostawaja. Sćehńće Firefox a započńće w swojej preferowanej rěči.
