Ikatu hína nde apopyvusu ndorekói Firefox ojeruréva, hákatu eipurukuaa peteĩva ãva rehegua:

Nde apopyvusu ndoguerekopái tekotevẽmby eipurukuaa hag̃ua Firefox.

Nde apopyvusu ndoguerekopái tekotevẽmby eipurukuaa hag̃ua Firefox.

Ejapomína ko'ã mba'e emohendávo Firefox mohendahápe.

Firefox mba'eñemi
Firefox

Ñemigua, pya’ekue ha tekorosã.

Mba’éicha eiporavokuaa iporãvéva kundaha ndéve g̃uara.

Ikatu hína nde apopyvusu ndorekói Firefox ojeruréva, hákatu eipurukuaa peteĩva ãva rehegua:

Nde apopyvusu ndoguerekopái tekotevẽmby eipurukuaa hag̃ua Firefox.

Nde apopyvusu ndoguerekopái tekotevẽmby eipurukuaa hag̃ua Firefox.

Ejapomína ko'ã mba'e emohendávo Firefox mohendahápe.

Firefox mba'eñemi

Ñandutígui oiko mba’e tuichapajepéva, ha’eháicha electricida ha y ogaháre, upéicharamo eiporavóke kundaha iporãvéva ndéve g̃uarã. Ñanduti ha’e nerembiapo renda mokõiha, peteĩ mbo’ehára ha avei neresãirã, jepémo ne pohanohára oipotáta ndereikéi eikuaave hag̃ua ne mba’asy rehegua.


Ary 90 mbyte rupi, Netscape, Internet Explorer ha AOL ha’ekuri umi ojepuruvéva. Uperamoguare opamba’e ivevuive ipuhápe mbeguemi dial-up arapy tuichakue jave. Eikuaa kuri mba’épa he’ise py’aguapy eha’arõhápe mba’éicha pe ñanduti kuatiarogue henyhẽ. Upéramo, pe kundaha pya’ekue ha’e mba’e oñeha’arõvéva.

Ko’ág̃a rupi ndaha’evéima péicha. Maranduñemurã, hackeo ñemiguápe, ñemigua ñembyai ha marandu ijapúva ikatu ohechauka ambue kundaha rekome’ẽ. ¿Mba’éichapa omo’ã kundaha me ñemigua? ¿Omoneĩ tapykuehohápe nde rapykuehóvo ñandutípe? ¿Oñemoheñói omba’apo hag̃ua heta hendáicha?

Eporandúramo mba’épa kundaha ipya’e ha hekoñemíva, ko’ápe rohechauka mbohapy mba’e oguerekova’erã kundaha.

Kundaha ojejapóva pya’everã.

Peteĩ kundaha ha’e tembipuru, upéicharamo eiporavokuaa iporãvéva. Ehoséramo, eikotevẽ jet privado. Ehekuaava’erã kundaha omoneĩva tapykuehoha mbohapyháva ikatu imbegueve umi kundaha ojapo’ỹvagui. Umi tapykuehoha mbohapyháva ha’e kookie, nderehecháiramo jepe, omba’apohína kañyhápe, oipurúvo aravo iporãva. Hetavévo tapykuehoha mbohapyháva ikatúva kundaha ojoko, ipya’evéta.

Kóva ha’e eiporavo hag̃ua Firefox kundaha: Firefox ojoko tapykuehoha mbohapyháva ijypykue rupi. Avei oĩve ambue mba’e ha jaháta upépe ag̃ave.

Kundaha omotenondéva tekorosã.

¿Nemandu’ápa mba’ekuaarã ñembyai ramovegua? Peicha’ỹramo, ikatu oiko tapiágui. Umi mba’apohaguasu oñongatu puruhára mba’ekuaarã, imarandu tee térã virureko, ha umi mondaha ogueraha. Emotenondéramo tekorosã, upéicharamo kundaha hetekorosãva ha’e iporãvéva ndéve g̃uarã.

Oĩ heta mba’e kundaha ikatuhápe oipytyvõ puruhárape hekorosã hag̃ua. Kundaha hekopyahúva tekorosãme ikatu oipytyvõ omo’ã hag̃ua ne mohendaha ha ñanduti renda oikéva eipota’ỹre, tembiaporape imarãva térã mba'echu'i tembipurupyahu rehegua.

Ambue hendáicha katu ani embyaty heta puruhára mba’ekuaarã. Umi mondaha ndaikatúi ogueraha oĩ’ỹva pépe, upévare Firefox oguereko marandu michĩmi puruhára rehegua. Firefox oikuaa eipurúpa kundaha ha ne rendaite tuichaháicha hákatu ndaha’éi ne rymba réra ne mitãmeguare ha avei sa’y ehayhuvéva.

Ipahápe, hákatu tuichamba’e avei, kundaha hetekorosãva oguerekova’erã tembipuru ne pytyvõtava ema’ẽag̃ui hag̃ua ne mba’etére. Ehecha kyhyjerã oikéva ne ñanduti vevépe ne mba’ete peteĩva imarãrõ térã ta’ãnga’i he’íva ndéve ñanduti renda oĩramo encriptado (ja’étavo, iporãpa emoinge nde papapy ñemurãva tenda joguahápe).

Firefox ome’ẽ mba’e pyahu ne rekorosã hag̃ua: Firefox Monitor. Purupyrã reigua nemombáytava oĩramo mondaha ne mba’etépe ha nemomarandúta umi ne mba’ete oñemondápara’e ymave. Ambue hembiapoite ha’e Candado verde. Ojehecha peteĩ ta’ãnga’í hovyũvaramo kundaha rovetã yvate asu gotyo. Eikéramo Firefox-pe ha ehecha pe candado verde, he’ise pe ñanduti renda oĩha encriptado ha hekorosã. Pe candado iñapatĩramo, ikatu eñamindu’uve emoinge hag̃ua marandu ñemiguaitéva.

Kundaha oipytyvõva ne ñemuhape.

Ñemigua ñandutípe ha’e mba’e tuicháva. Pe ñemigua oĩ tenondete tysýipe, ehekava’erã kundaha hekoporãva. Eiporavóvo kundaha ñemigua iporãvéva ndéve g̃uarã, eporandu tapykueho pururekóre ha mba’éichapa pe kundaha omboguata mba’ekuarã. Ko’ãva ha’e porandu aporekoguáva, hákatu upéicha rupi heta kundaha iñemive ambuégui.

Umi tapykuehoha ha’e “kookie” oporomyangekóiva og̃uahẽ tenda mba’yruveveguávape. Ko’ã tapykuehoha mbohapyháva oikuaa moõpa eikutúta ha ikatu oipuru ohesa’ỹjo hag̃ua nde reko. Peteĩ kundaha ñemigua orekova’erã puruhárape g̃uarã mba’éichapa ikatu oipe’a tapykuehohakuéra mbohapyháva, hákatu iporãveva’erã oipe’áramo ijehegui.

Ambue mba’e emboyke hag̃ua tapykuehoha eipuruva’erã kundaha heko ñemíva. Oimeraẽva kundaha he’íva heko ñemiha ombojurujava’erã kundaha ñemiguáva.

Ndahasýi ehechajeývo eike rire tetepy ñemboheko kuatiaroguépe ha kundaha remiñemi pururekópe. Pe ñanduti kuatiarogue ñemigua omoha’angava’erã ne mba’ekuaarã oñemoherakuã ha mba’érepa. Upévare Firefox ñemurã ñemigua ndahasýi emoñe’ẽ ha ejuhu.

Eiporavóvo kundaha iporãvéva ha’ete eiporavóramo nde rogarã. Ehechava’erã heta hendápe, ehapykuehoraẽ ha eiporavo upe ndéve g̃uarã iporãvéva.

Firefox-pe, romba’apo mbarete rojapo hag̃ua kundaha ipya’e añetéva ha ome’ẽva puruhárape pokatu ijeikekue ñandutípe rehegua.

Ejapyhy ne kundaha jepuru.

Ikatu hína nde apopyvusu ndorekói Firefox ojeruréva, hákatu eipurukuaa peteĩva ãva rehegua:

Nde apopyvusu ndoguerekopái tekotevẽmby eipurukuaa hag̃ua Firefox.

Nde apopyvusu ndoguerekopái tekotevẽmby eipurukuaa hag̃ua Firefox.

Ejapomína ko'ã mba'e emohendávo Firefox mohendahápe.

Firefox mba'eñemi