Firefox wurdt hieltyd flugger

Hoe wurdt browsersnelheid mjitten?

De meast brûkte benchmark foar browserprestaasjes om responsiviteit fan webapplikaasjes te mjitten wurdt Speedometer neamd. Wylst der oare browserbenchmarks besteane, is Speedometer 3 de nije standert foar hoe’t wy de snelheid fan jo sneupûnderfining mjitte. De lêste tests wjerspegelje it web fan hjoed better – wurkje mei fisueel rike diagrammen, bewurkjen fan tekst, ynteraksje mei yngewikkelde en swiere websiden lykas nijssites – en it mjit in folslein byld fan de prestaasjes fan de browser.

De nije Speedometer 3-benchmark is de earste grutte browserbenchmark dy’t ea ûntwikkele is troch in gearwurking stipe troch elke grutte browser, ûntwurpen om it hiele web te profitearjen.

Elke dei flugger

Firefox wurdt oandreaun troch de Gecko-masine fan wrâldklasse, mei in bjusterbaarlik flugge stylopmaak en side-yndieling, moderne JavaScript-funksjes en in nea einigjend ritme fan nije prestaasjeferbetteringen om ús brûkers tefreden te stellen en it webplatfoarm foarút te helpen.

Alle browsers moasten ferbetteringen oanbringe om goed te prestearjen yn de nije Speedometer 3-tests. Foaral Firefox hat grutte stappen makke, wêrby it merkber flugger wurden is foar ús brûkers as in direkt resultaat fan dit wurk. Firefox is rapper as ea, mei snelheid dy’t jo echt fiele kinne, ynklusyf rapper laden fan siden en soepeler ynteraksjes.

Nei in flugger web

Mozilla is tawijd om ús eigen browser en it hiele web kontinu te ferbetterjen. Dêrom hawwe wy ynvestearre yn de gearwurking om Speedometer 3 te ûntwikkeljen, dy’t op syn beurt de prestaasjes fan alle browsers ferbettere hat. Dus hokker browser jo ek kieze, Mozilla wol dat it rap is.