Is Firefox de rapste browser?

Surf flugger

Elk kompjûterprogramma dat jo útfiere brûkt wat ûnthâld. As jo kompjûter net in protte ûnthâld oer hat, kin jo sys…teem…… sta…………diger wurde. Firefox rjochter har op in lykwicht – genôch ûnthâld brûke om komfortabel te sneupen, en foldwaande ûnthâld oerhâlde om jo kompjûter noch goed reagearje te litten.

Multitaske mei meardere ljepblêden

Firefox is in multiproses-browser, wat betsjut dat jo ljepblêden aktueel bliuwe en it net lang duorret eardat se opnij laden binne. Mei 86% minder fertragingstiid kinne jo fluch skeakelje tusken ljepblêden, sels as jo inerlike stim seit dat jo fiersten te folle ljepblêden iepen te stean hawwe.

Rapper game

Wy wiene lieders yn de technology fan it útfieren fan 3D-spultsjes mei hast de snelheid fan platfoarmspesifike spultsjes, en Firefox leveret no noch bettere prestaasjes yn onlinegamen. Us krêftige browser ferminderet fertragingen, fersnelt pingtiden en optimalisearret it spyljen fan spultsjes fia flugger, slanker sneupen.