Lightbeam Firefoxerako gehigarri bat da, bistaratze interaktiboen bitartez zurekin elkarreragiten duten webguneak erakusten dizkizuna — bai zuzenean bisitatutakoak, bai hirugarrengoak. Nabigatu ahala, Lightbeam-ek gaur egungo webaren sakonera osoa erakusten dizu, erabiltzaile arruntarentzat gardenak ez diren zatiak barne.
Deskargatu Lightbeam Firefoxerako Eskuratu Mozillaren gehigarrien orrian
Segimendua ez da beti txarra. Zerbitzu askok erabiltzaileen datuak darabiltzate eduki garrantzitsua erakusteko eta zure nabigazio-esperientzia hobetzeko. Baina, batzuetan, segimendua erabiltzailea ohartu gabe egiten da. Eta hori ez da ona. Zeu izan beharko zinateke nabigazio-datuak noiz eta nola partekatu nahi dituzun erabakitzen duena, partekatu nahi badituzu. Aintzat hartzen dugu gardentasunak duen garrantzia, eta gure misioa erabiltzaileei boterea ematea da — bai tresnak erabiltzean, bai informazioari dagokionean. Lightbeam-i buruz »
Firefoxerako Lightbeam gehigarria deskargatu eta instalatu ondoren, bisitatzen dituzun webguneen, eta orri horietan aktibo dauden hirugarrengoen denbora errealeko bistaratzea osatzen hasiko da gehigarria.
Grafikoa hazi ahala, datuak gertutik azter ditzakezu, zuzenean bisitatutako guneen eta hirugarrengoen arteko erlazioak arakatuz. Datuok nahi duzunean berrezarri edo gorde ditzakezu.
Ford Foundation fundazioaren lana sareko segimendua jendeari ulertarazteko kanpainak hedatzea da — segimenduak dituen onura eta arazoekin batera. Ikasi gehiago »