Lightbeam jo dadank Firefox, kótaryž wužywa interaktiwne wizualizacije, aby wam sedła prědnych a tśeśich póbitowarjow pokazał, z kótarymiž interagěrujośo we webje. Gaž pśeglědujośo, wótekšywa Lightbeam źinsa połnu dłymokosć weba, inkluziwnje źěle, kótarež njejsu transparentne za pśerěznych wužywarjow.
Ześěgniśo Lightbeam za Firefox Wobstarajśo se jen z dodankow Mozilla
Nic kužde slědowanje jo špatne. Wjele słužbow zepěra se na wužywarske daty, aby relewantne wopśimjeśe pśinosowało a waše dožywjenja online pólěpšyło. Ale slědowanje móžo se bźez wěźenja wužywarja staś. Kuždy njejo wobjadny z tym. Wy by měł rozsuźiś, gdy, kak a lěc cośo swóje pśeglědowańsske daty dalej daś. Wažnosć transparence jo nam wědobna a naša misija ma wužywarjow mócowaś — z rědami a teke z informacijami. Wó Lightbeam »
Za tym až sćo dodank Lightbeam ześěgnuł a do Firefox zainstalěrował, zachopijo we wopšawdnem casu wizualizaciju websedłow twóriś, kótarež se woglědujośo, a wšych sedłow tśeśich póbitowarjow, kótarež su teke aktiwne na toś tych bokach.
Mjaztym až waše wizualizacije rostu, móžośo se póśěgi mjazy wšakimi sedłami prědnych a tśeśich póbitowarjow woglědowaś, kótarež su we wašych datach składowane. Móžośo teke swóje daty kuždy cas slědk stajiś abo składowaś.
Źěło pla załožby Ford Foundation koncentrěrujo se na wuwijanje zjawnostnych kampanjow, aby luźam pomagało, datowe slědowanje online rozměś — z jogo lěpšynami a problemami. Dalšne informacije »