Jo Firefox priwatny wobglědowak?

Jo. Firefox wašu priwatnosć z funkcijami kaž priwatny modus šćita. Zmóžnja wam, wašu pśeglědowańsku historiju a gronidła priwatne źaržaś, samo gaby wy rěd wužywał, kótaryž z drugimi luźimi źěliśo, na pśikład domacne licadło abo iPad.

Firefox teke wašu priwatnosć z Pólěpšonym slědowańskim šćitom šćita, aby pśeslědowaki blokěrował, kótarež wam wót sedła do sedła slěduju a informacije wó wašych pśeglědowańskich zwuconosćach gromaźe. Wopśimujo teke šćit pśed škódnymi skriptami a škódneju software.

Pśispomnjeńka: Njejsmy wjelike technologiske pśedewześe. Cynimy wěcy hynac. Smy njewótwisne (žedne akcionarje) a to nam zmóžnja, luźe na prědne městno stajiś, nad profitom. Na rozdźěl wót drugich pśedewześow pśistup k wašym datam njepśedawamy.

Kótare informacije Firefox gromaźi?

Mozilla (zgótowaŕ Firefox) priwatnosć wjelgin serioznje měni. Wjelgin serioznje. Napšawdu kuždy produkt Firefox, kótaryž gótujomy, naše wósobinske datowe zlubjenje honorěrujo: Wzejśo mjenjej. Źaržćo jen wěsty. Žedne pótajmstwa.

Cytajśo priwatnu powěźeńku Firefox za dalšne informacije. Serioznje, cytajśo ju. Pismo ma normalnu wjelikosć a wjele drugego.