Mozilla

Ruk'u'x taq runa'oj Ruk'amaya'l Mozilla

Rub'anik ri cholb'äl q'ij

Mozilla ruya'on retal wo'o' taq ruk'u'x na'oj achoq pa kiwi' nisamäj el wakami, richin ninuk' ri jaqäl k'amaya'l niqajo':

Ichinan K'amab'ey & Jikomal
Ri winaqi' niq'ax pa kiwi' chuqa' nikichajij ütz ri rub'eyal yekik'öl ri taq tzij chuqa' nikokisaj pa k'amab'ey, chuqa' kikuqub'an kik'u'x chi e jikïl. Rachib'ilan chi ri taq ajk'aymoloj chuqa' ri chanpomanela' yesamäj richin yekichajij ri taq qatzij chuqa' nikib'än rutzil ri qichinem niqab'än pa kiwi' ri na'ob'alil taq b'anikil.
Jaqäl tz'ukuj
Jaqäl ja ri' ri retal ruk'amon wi pe: ri jaqäl chuqa' jikïl taq b'eyal k'a e k'o na pa ruk'u'x ri K'amaya'l, ri k'o nikib'än pa taq moloj chuqa' pa taq k'iyb'anoj, taq tikojil, taq na'ojil chuqa' taq samaj. Ri nuq'i' chi ri ajk'aymoloj chuqa' ri qawinaq pa K'amaya'l yetikïr nikinük', nikitz'ük chuqa' nikijunamaj ki' pa k'amab'ey, akuchi' man k'atzinel ta nikik'utuj q'ij.
Jachsamajinem
Ri taq na'ob'äl chuqa' taq nuk'uche'el yekokisaj q'ij q'ij ri winaqi' kan e kasamajib'el chuqa' enuk'un rik'in ri jaqäl taq b'eyal. Ri winaqi' yekoyob'ej chuqa' yekik'utuj taq q'inoj, ri nikiya' q'ij chi ke ri junelïk taq kib'enam chuqa' kiq'axik ri etamab'äl chuqa' rupam etamanïk.
Ajk'amaya'l tijoj
Ri winaqi' k'o ketaman yesik'in wuj, yetz'ib'an chuqa' yeto'on pa ri na'ob'alil ruwach'ulew. Pa kijunamil re na'ob'alil taq ajtinamït, ri ya'on rutzijol chi ke kan yeb'e näj richin yokikisaj ri taq rupam na'oj, nikitz'ük, nikib'än runuk'ulem chuqa' nikiköl ri Ajk'amaya'l.
Ajilal tz'aqat
Ri winaqi' xab'akuchi' nitikïr nok chuqa' nitikïr nito'on richin ninuk' ronojel ri K'amaya'l. Chi rij ri' chuqa' chijun ajruwach'ulew pa K'amaya'l nitikïr nok chuqa' nub'än rutzil ri na'ob'alil qaruwach'ulew. Ri K'amaya'l nuk'üt ri jalajoj kib'anikil winaqi' ye'okisan richin.

Mozilla chuqa' ri qato'onela' xkekinab'eyisaj re taq ruk'u'x na'oj re' ruma chi wkami nupo' pe ri achi'el ri tz'etel k'wayöl qatzij, rik'in kikemik re taq ruk'u'x na'oj re' chupam chijun ri qasamaj pa ruwi' poponem chuqa' kolonem, chuqa' kinuk'ik taq na'ob'alil ri k'o jikïl nikoqaj.

Tisik'ïx ri Mozilla Foundatio’s 2016.2018 Strategy