Mozilla

Mozilla Advocacy

Kimolojri'ïl winaqi' richin nikichajij ri jaqäl K'amaya'l

Ri ruk'u'x rutob'al Mozilla nisamäj kik'in achib'ilal richin ninuk' jun aj chijun kuchuq'a' kab'lajtäq chi t'ijtäq winaqi', ri yekich'öb' chi kij ri taq na'oj e k'atzinel chi re ruk'aslem ri jaqäl k'amaya'l ri chwa'q kab'ij chuqa' richin chi qanuk'un chik qi' toq xtiqatob'ej kich'ojib'al ruwinaq ajk'amaya'l.

Tajin yojsamäj chi runuk'ik jun ruwach'ulew akuchi':

  • Ri winaqi' yekoqaj k'amonel taq na'oj richin nikinük' chuqa' nikichajij ri jaqäl K'amaya'l
  • Ri taq ajk'ayij moloj chuqa' taq chanpomanela' yekitz'ük taq tikojil, taq na'ojil chuqa' taqanem taq tzij richin nikito' ri jaqäl K'amaya'l ruma chi ri winaqi' nikich'ojij chi ke

Achi'el yojsamäj: Jun rutzub'al rik'in panqaj chuqa' xakb'äl

Ri rutzub'al Mozila richin nitalüx yerutz'aqatisaj ri xakb'äl pa panqaj achi'el chuqa' ri panqaj pa xakb'äl richin yesamajïx pa rub'eyal ri jalajöj rupam taq na'oj achoq pa ruwi' yojsamäj.

Re tzub'al re' nuya' q'ij chi re ri Mozilla nuk'iyirisaj junam ri qetamab'al richin aninäq yeqasiloj ri t'ijtäq chi winaqi' chuqa' richin niqajotob'a' ri quchuq'a' richin niqamöl qi' pa taq tinamït, ri xtuya' q'ij chi qe richin yeqaq'i' ri taq qataqikil pa taq juna' apo.

Chuqa' yojto'on richin yojsamäj — nijikib'äx ri taq ruk'u'x na'oj chuqa' ri rub'eyal ch'owen, chuqa' ri kitaluxik kisolik taq k'ayewal — achi'el chuqa' ri yekiyäk chik pe ri yek'ulwachitäj pe wakami o chuqa' ri itzilan taq na'ojil toq rajowaxik.

Tikirib'äl taq qasamaj

Ri rusamajib'al Mozilla’s Advocacy rutzeqelb'en wo'o' ruk'u'x tikirib'äl taq samaj:

  • Taq samajinem. Ri taq qasamajinem nikinimirisaj ri qach'ab'äl pa Mozilla tinamït, richin yeqasamajij ri taq ruk'u'x na'oj niqana'ojij chi k'atzinel yesamajïx wakami richin ninuk' ri jaqäl K'amaya'l niqarayib'ej. Achi'el: Tewäx rusik'ixik
  • K'amab'ey. Kan k'o wi ri ruchuq'a' samaj richin nichajïx ri jaqäl K'amaya'l kan k'o wi pa ajk'amaya'l. Tiqatikirisaj jun nimaläj tinamït pa k'amab'ey rik'in rub'anik, chuqa' nuyäk jun nimaläj silonem na'ob'alil kitzeqelb'en ri taq qasamajinem.
  • Q'ojom Niqatzijoj chawe jeb'ël chuqa' jikïl taq b'anob'äl, ri yekicholajij ri nima'q taq jiq'ilib'em chuqa' taq ramajil achoq rik'in nujunamaj ri' ri jaqäl K'amaya'l pa ruk'aslem, chuqa' chupam ri nïm rub'ey.
  • K'ojlem Yojximon, yojto'on chuqa' niqanimirisaj kisamaj ri ajna'ob'äl, ri yech'akon ri taq na'ojil, ri ajb'anonem chuqa' ri taq samajela' kiya'on kiq'a' richin yeto'on richin yekinük' chuqa' nikik'waj kib'ey ri taq rusamajinem Mozilla.
  • Ch'akulal chuqa' taq k'amab'ey. Ri moloj nito'on chuqa' nuq'alajisaj ri qasamaj richin taluxïk, rik'in kimolik winaqi', taq moloj chuqa' jeb'ël taq na'ob'äl richin yeruk'iyirisaj pa nïm ri taq qasamajinem chuqa' taq silonem. Achi'el: Open Web Fellows

Tisik'ïx ri Mozilla Foundatio’s 2016.2018 Strategy