Mozilla

Ri Mozilla Moloj, ri majun ch'akoj rutzeqelb'en, nuna'ojij chi ri K'amaya'l jantape' tok jun aj winäq tob'äl chijun ri ruwach'ulew, ri jaqel chuqa' okel chi kiwäch konojel. Ri qasamaj rojqan ri Mozilla Manifiesto.

Ri jujik rusamaj Mozilla moloj rojqan rutzuqik b'anoj richin jun jaqäl K'amaya'l. Niqab'än re re' rik'in kitunujri'ïl k'amöl taq b'ey pa ruwi' jaqäl K'amaya'l chuqa' kib'inisaxik ajxe' ajsamajela' chijun ri ruwach'ulew.

Ri Moloj yonil ya'öl pwäq richin ri Mozilla Moloj, ri b'anöy Firefox chuqa' ch'aqa' chik taq rusamajib'al rutzeqelb'en jaqäl taq b'itz'ib'. Mozilla Moloj nisamäj achi'el jun winaqel moloj ri nuto' ri' – ri pwäq nuch'äk rik'in ri taq rutikomal nrokisaj qa pa ri moloj.

Tisik'ïx ri Mozilla Foundatio’s 2016.2018 Strategy

Taq runuk'samaj Moloj

Yojsamäj junam kik'in ri winaqi' chuqa' kik'in ri taq tinamït chijun Mozilla, ri taq rumolaj Moloj k'o rutzub'al chi rij niya' ruchuq'a' ri jaqäl ruchuq'a' K'amaya'l. Ri taq qanuk'samaj k'o kitzub'al chi kij oxi' k'ojlib'äl:

Rub'anik ri cholb'äl q'ij

Mozilla ruya'on retal wo'o' taq na'oj, ri yalan ajtz'etoj richin ninük' ri jaqäl K'amaya'l niqajo':

  • Ichinanem chuqa' Jikomal
  • Jaqäl tz'ukuj
  • Jachsamajinem
  • Ajk'amaya'l tijoj
  • Ajilal tz'aqat

Ketun k'amöl taq b'ey

Ri alanel kik'amab'ey ajk'amöl rub'ey Mozilla nrïl, nok chuqa' nuya' taq samaj richin etamanïk richin jun k'ak'a' alanela' k'amöl taq b'ey, ri xkejikib'an ri jun chik b'ey richin okem, tz'aqatisanïk chuqa' samaj pa k'amab'ey.

Kirali taq aj winäq

Mozilla nisamäj kik'in achib'ila' richin nitikirisäx ajchijun kuchuq'a' kab'lajtäq taq t'ij chi winäq k'o ketamab'al richin nikito' ri koch'ojkib'al ruwinaq ajk'amaya'l.

Tikojil chuqa' na'ob'äl

Mozilla Moloj, jun achpwäq chi chijun richinem ri Moloj, yerub'än taq rutikojil K'amaya'l kichin wi okisanela' nikoqaj ri taq ejqalem echolon pa ri Mozilla Manifiesto.

Firefox, ri nïm qatikojil, nuya' jun nïm cha'oj, ichinanem chuqa' jikomal chi ke ri wok'altäq chi t'ij winaqi' chijun ruwach'ulew. Ri tikirisanïk samaj richin kikanoxik taq tikojil achi'el ri qanuk'samaj richin ‘okisan taq okisaxel’ kojqan chi nikajo' nikik'äm pe ch'aqa' chik taq tikojil kojqan kejqalem Mozilla pa ruwach'ulew. Tikirisanïk na'ob'äl samaj achi'el ri Rust chuqa' ri etz'anem jay pa k'amab'ey richim Mozilla nikajo' yekitaluj k'ak'a' taq na'oj chi rij jaqäl na'ob'äl pa ronojel ri ajb'anonem k'amaya'l.

Rutinamit Mozilla

Ri qitzij uchuq'a' chi rij Mozilla ja ri chijun tinamït kichin 10.000 to'onela', achib'ila' chuqa' qawinaq. Ri taq ruwinaq rutinamit Mozilla yeto'on rik'in rub'anik ronojel, rik'in ri ruto'ik b'itz'ib' chi re Firefox chuqa' retamaxik ajilal choltz'ib'anem chi re rutzalq'omanïk ri qakema', kinuk'ik taq rutzijol talunem chuqa' kitz'ib'axik ri taq ruxaq ajk'amaya'l kichin b'anonela'.

Kak'uluman

Tatunu' awi' qik'in chuqa' kato'on richin niqachajij ri K'amaya'l achi'el jun ajwinäq chijun tob'äl. Richin natikirisaj, tatunu' awi' pa qatinamit o taya' jun to'ïk.