Firefox نجی براؤزنگ موڈ
ڄیکر تُساں ٻِنّھاں لوکاں دے نال کمپیوٹر دی بھئیوالی کرین٘دے ہِیوے یا ڄیکر تُساں اِیکوں محدود کرݨاں چاہن٘دے ہِیوے جو ویب سائٹاں تُہاݙے بارے وِچ کِتّی دیٹا کَٹّھا کر سڳدیاں ہِن، تاں تُساں Firefox وِچ نجی براؤزنگ موڈ استعمال کر سڳدے ہِیوے۔ پرائیویٹ براؤزنگ اِنّھاں ڈیجیٹل ٹریکس کوں مِٹا ݙین٘دی ہِے جہڑی تُساں آن لائن براؤز کرݨ ویلے پِچّھاں چھوڑ ݙین٘دے ہِیوے — اِنّھاں دے بارے وِچ جنگل وِچ قدماں دے نشاناں آلی کار سوچو۔
نجی براؤزنگ کیا کریندی ہے؟
پرائیویٹ براؤزنگ موڈ ہِک نویں براؤزر ونڈو کُھلین٘دا ہِے۔ جہڑیلے تُساں اِیکوں بند کرین٘دے ہِیوے، تاں اِیں ونڈو کِیتے تُہاݙی براؤزنگ ہسٹری اَتے تُہاݙے ݙِٹّھے ڳئے ویب سائٹاں کنوں کُئی وی ٹریکنگ کوکیز مِٹا ݙِتّیاں ویسِن۔ Firefoxماہرانہ صلاح: جہڑیلے تُساں کَم کر گِھنّو تاں نجی براؤزنگ ونڈو کوں بند کرݨ نہ بُھلّو!
نجی براؤزنگ کیا کائنی کریندی۔
نجی براؤزنگ موڈ نجی براؤزنگ ونڈو نال تُہاݙے بݨائے ڳئے کئیں وی نویں بُک مارکس کوں حذف نہ کریسی، یا تُہاکوں میلویئر یا وائرس کنوں محفوظ نہ رکھیسی۔ اِیہ تُہاݙی ویب سائٹاں کوں اِیہ ݙیکھݨ کنوں وی نِھیں رُکین٘دا جو تُساں جسمانی طور تے کِتّھاں موجود ہِیوے یا تُہاݙے انٹرنیٹ سروس ݙیوݨ آلے کوں تُساں جو کُجھ کرین٘دے ہِیوے اِیکوں لاگ کرݨ کنوں رُکین٘دا ہِے۔ اِیں کِیتے تُہاکوں ہِک قابلِ بھرواسہ وی پی ایندی لوڑ ہوسی۔
Firefoxدی نجی براؤزنگ دا کروم دے لُکّل موڈ نال موازنہ کرو۔
