Firefox تکھیرا گھنݨ رکھیندے

براؤزر دی رفتار دا میچا کین٘ویں کریندے

ویب ایپلیکیشن دی ردِ عمل دی ویتر کرݨ کِیتے ساریاں کنوں وَدھ استعمال تِھیوݨ آلے براؤزر دی کارکردگی دا بینچ مارک سپیڈو میٹر آہدا ہِے۔ جݙاں جو براؤزر بینچ مارکس موجود ہِن، سپیڈو میٹر 3 اِیں ڳالھ دا نواں معیار ہِے جو اُساں تُہاݙے براؤزنگ دے تجربے دی رفتار دی ویتر کیویں کرین٘دے ہِسے۔ نویں نروئے جاچاں اَڄ دے ویب دی چَنڳی عکاسی کرین٘دے ہِن — بصری طور تے بھرپور چارٹس دے نال کَم کرݨ، متن وِچ ترمیم کرݨ، پیچیدہ اَتے بھاری ویب ورقے جیویں نیوز سائٹاں دے نال تعامل کرݨ — اَتے اِیہ براؤزر دی کارکردگی دی مکمل تصویر دی ویتر کرین٘دا ہِے۔

نواں سپیڈو میٹر 3 بینچ مارک پہلا وݙّا براؤزر بینچ مارک ہِے جیکوں ہر وݙّے براؤزر دی حمایت نال تیّار کِیتا ڳِیا ہِے، جہڑا پورے ویب کوں فَیدہ پُچاوݨ کِیتے ڈیزائن کِیتا ڳِیا ہِے۔

ہر روز تکھیرا

Firefoxعالمی معیار دے Gecko انجن دی طرفُوں لاڳو ہِے، جین٘دے وِچ حریان کرݨ آلے طور تے تِکّھی سٹائلنگ اَتے ورقیاں دی ترتیب، جدید جاوا سکرپٹ دیاں خاصیتاں اَتے آپݨے صارفاں کوں خوش رکّھݨ اَتے ویب پلیٹ فارم کوں اڳّوں تے ودھاوݨ کِیتے نویں کارکردگی وِچ چَنڳائی دی کݙان٘ہیں نہ مُکّݨ آلی ڈھول دی تھاپ ہِے۔

سبھے براؤزرز کوں نویں سپیڈو میٹر3 جاچ وِچ چنڳی کارکردگی ݙِکھاوݨ کِیتے چَنڳائی گِھن آوݨی پئی۔ خاص طور تے Firefox نے ٻہوں وݙّی پیش رفت کِیتی، اِیں کَم دے براہِ راست نتیجے دے طور تے اَساݙے صارفاں کِیتے ٻہوں تِکھائی نالتِھین٘دا پِیا ہِے۔ Firefoxپہلاں کنوں ݙاڈھا تِکّھا ہِے، اِیں رفتار دے نال تُساں پَک نال محسوس کر سڳدے ہِیوے، تِکّھا ورقہ لوڈ اَتے ہموار تعاملات سمیت۔

تکھیری ویب ݙوں

Mozillaاَساݙے آپݨے براؤزر دے نال نال پورے ویب کوں مسلسل چَنڳا بݨاوݨ کِیتے پُر عزم ہِے۔ اِیں کِیتے اَساں سپیڈو میٹر 3 تیار کرݨ کِیتے تعاون وِچ سرمایہ کاری کِیتی جین٘دے نتیجے وِچ، سبّھے براؤزراں دی کارکردگی وِچ چَنڳائی آئی ہِے۔ تَہُوں تُساں جہڑا وی براؤزر چُݨدے ہِیوے، Mozillaچاہن٘دا ہِے جو اُوہ تِکّھا ہووے۔