نشانی منیجر

بُک مارکس اُوہ لنکس ہِن جِنّھاں کوں تُساں آپݨے براؤزر وِچ محفوظ کرین٘دے ہِیوے تاں جو تُساں ویب اُتے آپݨی مَن بھان٘دیاں جائیں اُتے جَلتی اَتے سَوکھ نال وَل ون٘ڄ سڳو۔ Firefoxوِچ ہِک سَوکھا بُک مارک مینیجر شامل ہِے تاں جو تُساں ترتیب ݙے سڳو، ڳویڑ کر سڳو، اَپ ڈیٹ کر سڳو اَتے آپݨے سارے محفوظ کِیتے ڳئے لنکاں کوں آپݨے سبّھے ڈیوائساں اُتّے ہم وقت کر سڳو۔

آپݨے بُک مارکس کوں لبّھݨ دے قابل فولڈرز وِچ ترتیب ݙیؤ

آپݨے بُک مارکس کوں فولڈرز وِچ کَٹّھا کرو اَتے ودھیک تفصیلاں دے نال ٹیگ کرو۔ تُساں آپݨے بُک مارکس کوں تِکھائی نال ڳویڑ کرݨ کِیتے ترتیب ݙے سڳدے ہِیوے جِنّھاں دی تُہاکوں لوڑ ہِے۔

سوکھ نال نشانیاں درآمد کرو

تُساں آپݨے بُک مارکس کوں کروم، سفاری، یا ایج کنوں Firefox دے درآمد ویزرڈ نال درآمد کر سڳدے ہِیوے۔ صرف بُک مارکس > بُک مارکس کوں مُرتب کرو اُتے دباؤ اَتے وَل "درآمد اَتے بیک اَپ" کوں چُݨو۔

بک مارک ٹول بار

Firefox دے اُتّے آلے مینیو وِچ آپݨے مَن بھان٘دے بُک مارکس تئیں فوری رسائی حاصل کرو یا اِنّھاں کوں آپݨے ٹول باکس وِچ پَکّا کرو۔