Nabigazio errazagoa
Barra txundigarria
Sartu zure webgune gogokoenetara instantean – baita URLak gogoratzen ez badituzu ere. Idatzi bila zabiltzana helbide-barran (hots, barra txundigarrian) eta osaketa automatiko funtzioak bat datozen helbideak erakutsiko dizkizu zure historia, laster-markak eta irekitako fitxak begiratuz.
Barra txundigarriak erabili ahala ikasten du, zure hobespenetara egokitzen da eta emaitzarik aproposenak bueltatzen ditu. Emaitzak hobeto kontrola ditzazun konfiguratu dugu (pribatutasun ezarpenak barne) eta errendimendua hobetu ere bai bila zabiltzana bizkorrago aurkitzeko.
Interfaze hobetua
Beti gabiltza nabigazio errazago eta eraginkorrago baten bila.
Jarraitu irakurtzen azken hobekuntzak ezagutzeko:
Fitxak goian
Fitxak barra txundigarriaren gainean daude, bisitatzen dituzun webguneen edukiari atentzio gehiago emateko.
Firefox botoia (Windows eta Linux)
Menu guztiak orain bakar batetan bildu ditugu modu errazean eskuragarri izateko.
Laster-markak botoia
Kudeatu laster-markak botoi bakarrarekin. Aurkitu lotura gogokoenak bidean trabatu gabe!
Sinplifikatutako Berritu/Gelditu botoia
Barra txundigarriak orain botoi bakarrarekin modu errazean birkargatzen ditu orriak, edo gelditzen ditu kargatzen dabiltzanak.
Etxea botoia
Etxea botoia bilaketa-barraren eskumaldera eraman dugu.
Fitxak
Bisitatu gune ugari aldi berean, modu sinple eta errazean. Gune berri bakoitza fitxa berrian irekitzen da
(ez leiho berrian) eta klik bakarrarekin duzu eskuragarri.
Aplikazio-fitxak
Hartu beti irekita dauzkazun guneak—esaterako web-posta—eta atera zure fitxen barratik, nabigatzailean betirako txoko bat emanez.
Berrireki itxitako fitxa eta leihoak
Konturatu gabe fitxa edo leiho bat ixten baduzu, klik bakarrarekin berrireki dezakezu. Begiratu Azkenaldiak itxitako fitxak edo Azkenaldian itxitako leihoak Historia menuan eta hautatu berrireki nahi duzun fitxa edo leihoa.
Aldatu fitxara
Fitxa berri bat irekitzean, edo barra txundigarrian bilatzean, Firefoxek gune hori dagoeneko irekita daukazun begiratuko du. Hala bada, irekita dagoen fitxara bideratuko zaitu, gune bera birritan ireki ez dezazun.
Scrolling erraza
Zure 20 orri gogokoenak batera irekita eduki nahi dituzu? Ezaugarri dotore eta berri bati esker fitxetan zehar arakatu ahalko duzu guztiak ikusi eta nahi duzuna berehala eskuragarri izateko.
Antolatu fitxak Panoramarekin
Fitxa gehiegi? Berreskuratu zure nabigatzailea fitxen nahaspilatik! Panoramarekin fitxak arrastatu eta jareginda taldekatu ditzakezu, hauek antolatu, izendatu eta modu erraz eta bisualean kudeatzeko. Panorama erabiltzen hasteko pertsonalizatu Nabigazioko tresna-barra eta hautatu Fitxa-taldeak ikonoa, edo egin klik saguaren eskumako botoiarekin edozein fitxatan eta hautatu Mugitu taldera.
Sinkronizatu guztia
Sync-ek zure mahaigaineko ordenagailuko eta mugikorreko Firefox aplikazioak sinkronizatzen ditu, era honetan nabigazio-historia, pasahitzak, laster-markak eta irekitako fitxak ere eskuragarri izan ditzazun edozein gailutatik. Sartu urte luzeetako nabigaziora mugikorra erabiltzen duzun lehen alditik, erabili mahaigainekoan gordetako pasahitzak mugikorrean azaltzen zaizkizun inprimakietarako.
Dagoeneko has zaitezke mahaigainekoarekin nabigatzen, bide-erdian zutitu eta mugikorretik irekita zenituen fitxetara sartu. Nabigazioa ez da inoiz lehen zena izango! Ikasi gehiago Sync-i buruz edo eskuratu Firefox mugikorrerako.
Pasahitz-kudeatzailea
Gogoko gune bat bisitatzen duzunero pasahitza gogoratzen eta behin-eta-berriz sartzen aritzeaz nazkatuta? Hemen da Firefox zuri laguntzeko! Saioa hasten duzun lehen aldian pasahitza gogoratzea nahi duzun galdetuko zaizu era diskretu batean, eta aurrerantzean Firefox arduratuko da guztiaz.
Bete inprimakiak
Inprimaki bat betetzerakoan, adibidez bidalketa-helbidea, Firefoxek sartu beharrekoa gomendatuko dizu eremu bakoitzerako, aurrez sartu dituzun datuetan oinarrituta. Galdera berak behin-eta-berriz betetzeaz aspertuta? Hemendik aurrera inprimakiak ziztu bizian beteko dituzu!
Pop-up blokeatzailea
Kanporatu pop-up (eta pop-under) leihoak zure nabigatze esperientziatik, behin eta betirako. Pop-up leihoak blokeatu nahi ez dizkiezun guneen zerrenda mantendu dezakezu baita.
Bilaketa erraza
Web-a erraldoia da, baina Firefox zuri laguntzeko prest dago, bila zabiltzana edozer dela-ere.
Integratutako web bilaketa
Web-ean bilatzea berehalako gauza da bilaketa-kutxarekin, zeina helbide-barraren eskuman aurkituko duzun. Hautatu gustokoen duzun bilaketa-motorra eta sartu bila zabiltzan hitza. Bilaketa-kutxaren tamaina aldagarria da, leku gehiago behar baduzu.
Bilaketa gomendioak
Bilaketa-barran idazten hasi eta berehala zerrenda bat agertuko zaizu gomendioekin. Horrez gain, bilaketa-barra kalkulagailu eta konbertsore moduan erabil dezakezu ere.
Ehunka bilaketa-motor
Aukeratu aurrez zehaztutako zerrendatik edo hautatu "kudeatu bilaketa-motorrak" aukera, eta arakatu bilaketarako gehigarrien artean. Ikusi zer aukera dituzun.
Gako-hitz adimentsuak
Gako-hitz adimentsuak erabilita bilaketak inoiz baino arinago burutuko dituzu. Klik gutxi batzuen bidez bilaketa-motorrei gako-hitzak esleitu ahal dizkiezu. Momentu horretatik aurrera helbide-barran gako-hitza eta bilaketa bera idaztean bilaketa automatikoki osatuko da. Ezaugarri honekin helbide-barran "liburua eskulanak" idatzita, aurretik "liburua" gako-hitza Amazon.com gunearekin lotu badugu, amazonen dauden eskulanei buruzko liburuen zerrenda ikusiko dugu, amazonen hasierako orritik pasatu gabe.
Kokapenaren araberako nabigazioa
Helbide baten bila, edo jatetxe bat ezin aurkitu? Firefoxek webguneei non zauden esan diezaieke, honela hauek informazio erabilgarriena eta egokiena emateko. Nabigatzaileak ez du zure kokapena baimen gabe partekatuko, edonola ere – pribatutasuna da gure lehentasun nagusia.
Berreskuratu saioa
Saioa berreskuratzeko sistemak instant batean dakarzkizu bueltan zure leihoak eta fitxak, sartu duzun edozein testu edo deskargatzen zenbiltzan edozein fitxategi ere berreskuratuz. Nabigatzailea berrabiarazi dezakezu zure lekua galdu gabe gehigarriak edo eguneraketak instalatu ostean. Eta Firefox edo zure ordenagailua ustegabean ixten bada ez duzu datuak berreskuratzen denbora galdu beharrik izango. Posta mezu bat idazten ari bazinen, amaitu zenuen lekutik jarraitu ahalko duzu, idatzitako azken hitza ere galdu gabe.
Egiaztatu ortografia
Ortografia egiaztatzaile integratuak web orrietan zuzenean lan egiten du, esaterako blog sarrera bat edo mezu elektroniko bat idaztean. Alboratu alperrikako lanak eta ahaztu akatsez.
Antolatu
Gauza zoragarri ugari dago sarean, Firefoxek milaka modu eskaintzen dizkizu guztia antolatzeko.
Laster-markak klik batean
Laster-markak nahi duzun moduan kudeatu. Helbide-barraren eskumaldean agertzen den izartxoan klik bakarra eginda orri horren laster-marka sortzen da. Klik bikoitza eginda laster-marka kokatu eta etiketak gehitzeko aukera izango duzu. Laster-markak karpeta desberdinetan gorde, izen egokia eman eta gaiaren arabera antolatu ("lan bila" edo "erosketak" esate baterako). Bilatzeko momentuan helbide-barran etiketa, orriaren izena edo lotura duen hitzen bat idatzita orria amen batean topatuko duzu. Etiketa eta laster-marken izenak zenbat eta gehiago erabili, sistema gero eta hobeto moldatuko da zure hobespenetara.
Etiketak
Etiketatu webguneak zuretzako esanguratsuak diren hitzekin. Esate baterako, www.berria.info guneari "berriak" eta "euskara" etiketak jarri eta www.bbc.co.uk guneari "berriak" etiketa jar diezaiokezu. Helbide-barran "berriak" hitza idaztean bi lekuak agertuko dira aukera moduan. Gune bakar batek hainbat etiketa izan ditzake eta ez dago inolako mugarik sortutako etiketa kopuruan. Batzutan orri baten izena ez dugu gogoratzen, baina esanahi logikoa duten etiketak erabilita erraz aurkituko dugu.
Biltegia
Nabigazio ahalik eta eraginkorragoa izan. Historia (bisitatutako webgune guztiak) eta laster-markak (gordetako webgune guztiak) biltegian gordetzen dira. Modu honetan erraz antolatu eta bilatu daitezke. Maiz egindako bilaketak karpeta dinamiko azkarretan gorde daitezke. Karpeta hauek laster-markak eta historia hazten den heinean eguneratzen dira.
Bilatu eta aurkitu
Bilaketarako aukera tekla konbinazio sinple batekin bistaratzen da. Bilatu hitz edo esaldi bat irekitako orrian. Hautatu testua ezaugarri hau erabili haurretik eta bilatzaileak hautatutako testuarekin beteko du testu-eremua. Ikusi zure bilaketarekin bat datozen emaitza guztiak batera, edo bilatu atzerantz eta aurrerantz orriko bat-egiteen artean.
RSS jario-irakurtzailea
Orduak ematen dituzu azken berrien eta eguneraketen peskisan? Ordeztu metodo zaharrak eta gehitu RSS jarioen ikonoa tresna-barrara, sortu iturriak lineako web zerbitzu bat edo bezero bat erabiliz, edo Firefoxen laster-marka dinamikoekin.
Deskarga-kudeatzailea
Deskargatu fitxategiak era azkar eta seguruan! Pausatu-eta-jarraitu ezaugarriari esker edonoiz gelditu edo hasi dezakezu deskarga. Beraz, fitxategi handi bat erdi-deskargatuta badaukazu eta autobusa galtzear bazaude, eman pausari eta jarraitu beranduago. Funtzionalitate honek sistema kraskatu eta berrabiaztera behartuta dagoenerako ere balio du. Kudeatzaileak deskargaren aurrerapena erakutsi, deskargatutako fitxategiak bilatzeko aukera eman eta zer helbidetatik deskargatu diren ere erakusten dizu.
Lineaz kanpoko nabigazioa
Jarri zure ordenagailua lineaz kanpo informazioa hatzamarretatik urrundu beharrik gabe. Gune batzuek aplikazioak—web posta esaterako—lineaz kanpo ere erabiltzeko aukera ematen dute.
Erabateko zooma
Argazkiak eta irudiak tamaina handiagoan ikusi nahi? Zoom berri bati esker web orrietako xehetasun guztiak gertuago ikusiko dituzu, garrantzitsuenean zentratu ahal izateko. Orriak proportzionalki eskalatuko dira, diseinu eta elementu guztiak aldi berean tamainaz aldatuz.
Itxura naturala
Firefox plataformak etxeko itxura dakar. Pentsatu Firefoxengan lagunak erraz egiten dituen pertsona baten gisan. Berdin dio Windows 7, Mac edo Linux darabilzun, nabigatzailea paregabeki moldatuko da zure ordenagailuko ingurunera. Itxura natiboari esker erabiltzeko ez duzu trabarik izango.
Firefoxen laguntza
Laguntza beharrean? Gure laguntzarako gunean artikulu, foro eta tutorial ugari aurkituko dituzu esperientza hobe baterako soluzio eta aholku mordoarekin.
Hobetutako errendimendua
Runfield web bidezko jokoa da, JavaScript eta Canvas baliatuz sortua. Probatu zerorrek »
Super-abiadura
Bizkortasuna abioan, grafikoak renderizatzean eta orriak kargatzerakoan; Firefox errendimendu-hobekuntzaz beteta dator, eta segituan nabarituko duzu hori. Hasi konpartimentuak integratzetik eta JavaScript objektuak modu eraginkorragoan kudeatzetik eta ECMAScript 5 jasatera edo JägerMonkey JavaScript motor berria erabiltzera, gogor egin dugu lan honako hau inoizko Firefoxik boteretsuena izan dadin.
Hardware azelerazioa
Gozatu bideo eta web edukien azelerazio grafiko super-bizkorraz, geruzetan oinarritutako grafiko-sistema bati esker, Windowser Direct2D eta Direct3D teknologiak eta Mac-en OpenGL erabiltzen dituelarik.
Kraskaduren aurkako babesa
Firefoxek etenik gabeko nabigazioa dakarkizu, baita Adobe Flash, Apple QuickTime edo Microsoft Silverlight plugin-ek huts egiten badute ere. Maiz erabiltzen diren plugin hauetariko bat kraskatu edo izozten bada, honek ez du eraginik izango gainontzeko Firefoxen. Birkargatu orria plugin-a berrabiarazteko eta saiatu berriz. Ikasi gehiago plugin-ei buruz.
Mundu errealerako errendimendua
JavaScript motor zeharo bizkorra izatea garrantzitsua da, zalantza gabe, baina aldaketa hauek sarritan milisegundotan neurtzen direnez, askotan garrantzitsuagoa da nabigatzaileak duen tankera erabili ahala. Horregatik ari gara etengabe hobetuz Firefox, web-a darabilzun modurako bikaina izan dadin – adibidez fitxak bizkorrago irekitzea, edo Barra txundigarriak emaitzak are bizkorrago bueltatzea. Azken finean, kontua da nahi duzun lekura eramatea, ahalik eta bizkor eta errazen.
3D web-ean
WebGL-ri esker 3D grafikoak heldu dira Firefoxera, garatzaileei ateak irekiz joko biziak sortu ahal izateko edo bisualizazio mota amaigabeak web-era ekartzeko.
