Notes de la versión - Otres llingües y sistemes

Carauterístiques de Thunderbird

Tou tuyu. Y agora, Thunderbird ye más fácil d'usar.

Carauterístiques principales

(pasa'l mur per enriba pa más detalles)

Dir arriba

Más fácil pa entamar

Encontu de migración

Captura de pantalla del encontu de migración

Nel menú Ayuda, atoparás l'encontu de migración que va ayudate a configurar Thunderbird del mou que quieras. Si te prestaba la barra de ferramientes antigua de Thunderbird 2, podrás facer esi cambéu rápidamente con esti encontu. Tamién vas poder instalar complementos dende equí, como Columnes de carpetes avanzaes y Encabezaos compautos pa la ventana de visualización de mensaxes.


Captura de pantalla del encontu de configuración de cuentes de corréu

Encontu de configuración de cuentes de corréu

Enantes d'esistir esta funcionalidá, yera necesario saber les tos configuraciones d'IMAP, SMTP y SSL/TLS. Agora namái necesites escribir el to nome, direición de corréu y la contraseña, y l'asistente guetará pente la nuesa base de datos y atopará pa ti la configuración necesaria.


Llibreta de direiciones con un solu clic

Captura de pantalla de la llibreta de direiciones con un solu clic

La llibreta de direiciones con un solu clic ye un mou cenciellu y rápidu d'amestar persones a la to llibreta de direiciones. Amiesta persones faciendo clic nel iconu d'estrella nos mensaxes que recibes. Con dos clics podrás amestar más detalles, como la semeya, el cumpleaños y otra información del contautu.


Captura de pantalla del recordatoriu d'axuntu

Recordatoriu d'axuntu

El recordatoriu d'axuntos deteuta la pallabra 'axuntu' o pallabres referentes a tribes de ficheru, si les escribes nel cuerpu del to mensaxe y recuérdate que tienes d'amesta-y un axuntu al corréu enantes d'unviar el mensaxe.


Xestor d'actividá

Captura de pantalla del Xestor d'actividá

El Xestor d'actividá rexistra toles interaiciones ente Thunderbird y el to fornidor de corréu-e nun únicu llugar. Yá nun tendrás qu'investigar nunca más. Namái tendrás que mirar nun llugar pa saber tolo qu'asocede col to corréu.

Dir arriba

Llingüetes y gueta

Barra de ferramientes de filtráu rápidu

Captura de pantalla de la barra de ferramientes de filtráu rápidu

La Barra de ferramientes de filtráu rápidu permítite separtar el to corréu-e más velozmente. Entama a escribir pallabres na caxa de gueta de filtráu rápidu y los resultaos amosaránse nel intre. O pues filtrar el corréu por mensaxes nuevos, etiquetes y persones na to llibreta de direiciones. Tamién pues guardar un filtru pa usalu a traviés de munches carpetes.


Llingüetes

Si te presta la navegación por llingüetes de Firefox, prestaráte remanar el corréu con llingüetes. El corréu con llingüetes, va dexate cargar mensaxes en llingüetes separtaes pa que puedas saltar rápidamente ente ellos. Seique teas retrucando a un mensaxe y necesites facer una referencia a un mensaxe anterior. Col corréu por llingüetes pues caltener dalgunos mensaxes abiertos pa usalos como referencia.

Al facer duble clic o primir Enter sobre un mensaxe, fadrá que s'abra nuna llingüeta nueva. Si faes clic col botón derechu sobre una carpeta o mensaxes, abrirálos nuna llingüeta en segundu planu.

Cuando zarres Thunderbird, les llingüetes visibles van guardase y restauraránse la próxima vegada qu'abras Thunderbird. Tamién hai un menú Llingüetes na barra de ferramientes de llingüetes que t'ayuda a cambiar de llingüeta.

Gueta

La interfaz de gueta en Thunderbird contién ferramientes de filtráu y cronoloxía pa llocalizar el mensaxe exautu que tas buscando. Thunderbird tamién indexa tolos tos mensaxes p'ayudate a buscar entá más rápido. Los resultaos de gueta amuésense nuna llingüeta pa que puedas alternar ente los resultaos de gueta y el restu del to corréu.

Captura de pantalla de gueta

Captura de pantalla d'archiváu de mensaxes

Archiváu de mensaxes

Si camientes que vas necesitar un mensaxe más alantre pero quieslu fuera de la to bandexa d'entrada ensin tener que desanicialu, ¡archívalu! L'archiváu ayúdate a remanar la to bandexa d'entrada y alluga'l to mensaxe nel sistema de carpetes d'archiváu.

Seleicionar el botón Archivar o primir la tecla "A" archivará'l to mensaxe.

Dir arriba

Personaliza la to esperiencia col corréu

Aspeutu de Thunderbird

Con Persones, los temes llixeros permítente camudar l'aspeutu de Thunderbird nun momentu. Hai disponibles cientos de temes de les últimes películes, monumentos famosos y tatuaxes xaponeses. Tamién pues escoyer ente dellos temes que camuden dafechu tolos iconos en Thunderbird.

Carpetes intelixentes

Les carpetes intelixentes ayúdente a xestionar múltiples cuentes de corréu, combinando carpetes especiales como la bandexa d'entrada, la carpeta de mensaxes unviaos o la carpeta d'archivos. En cuenta de dir a la bandexa d'entrada de cada una de les tos cuentes de corréu, pues ver tol corréu recibíu nuna sola bandexa d'entrada.

Xestor de complementos

Alcuentra ya instala complementos direutamente en Thunderbird. Yá nun necesites visitar el sitiu web de complementos - en cuenta d'ello, cenciellamente abri'l Xestor de complementos. ¿Nun tas seguru de qué complementu ye l'afayadizu pa ti? Les valoraciones, recomendaciones ya imáxenes de los complementos n'aición puen ayudate na escoyeta.

Captura de pantalla del xestor de complementos
Dir arriba

Asegura y protexe'l to corréu

Separtando dafechu la puxarra

Les populares ferramientes escontra'l corréu punxarra de Thunderbird tán anovaes pa siguir per delantre del spam. Cada mensaxe que recibes pasa peles más modernes peñeres de corréu non deseáu de Thunderbird. Cada vegada que conseñes un mensaxe como spam, Thunderbird "deprende" y meyora'l so filtráu pa que puedas pasar más tiempu lleendo los mensaxes qu'importen. Thunderbird tamién pue usar los filtros de spam del to fornidor de corréu pa caltener el corréu non deseáu llonxe de la bandexa d'entrada.

Privacidá robusta

Thunderbird ufre funciones pa la privacidá del usuariu y la proteición escontra imáxenes remotes. P'asegurar la privacidá del usuariu, Thunderbird bloquia automáticamente les imáxenes remotes nos mensaxes de corréu.


Captura de pantalla de proteición escontra phishing

Proteición escontra phishing

Thunderbird protéxete de los fraudes por email qu'intenten engañifar a los usuarios pa qu'entreguen información personal y confidencial indicando cuándo un mensaxe ye un intentu potencial de phishing. Como segunda llinia de defensa, Thunderbird avísate cuando faes clic nun enllaz que paez llevate a un sitiu web distintu del indicáu pola URL nel mensaxe.


Anovamientu automáticu

Captura de pantalla d'anovamientu automáticu

El sistema d'anovamientu de Thunderbird revisa si tas usando la cabera versión, y avísate cuando hai un anovamientu de seguridá disponible. Estos anovamientos de seguridá son pequeños (normalmente 200KB - 700KB), dándote namái lo que necesites y faciendo que l'anovamientu de seguridá seya rápidu de descargar ya instalar. El sistema d'anovamientu automáticu apurre anovamientos pa Thunderbird en Windows, Mac OS X y Linux en más de 40 llingües distintes.


Códigu abiertu

Nel corazón de Thunderbird hai un procesu de desendolcu de códigu abiertu impulsáu por miles de desendolcadores y espertos de seguridá apasionaos y esperimentaos distribuyíos per tol mundu. La nuesa tresparencia y la Comunidá ayuda a asegurar que los nuesos productos son más seguros y anovaos rápidamente, al empar que permítenos sacar partíu de les meyores ferramientes de terceros pa evaluar y guetar problemes de seguridá qu'ameyoren entá más la seguridá nel so conxuntu.