L’encontu común en Mozilla, ye la nuesa creyencia en qu’Internet ye l’acontecimientu teunolóxicu y social más importante del nuesu tiempu, y un recursu públicu que tien de caltenese abiertu y accesible a toos. Con esi camientu, los nuesos esfuercios empobínense na nuesa misión de fomentar la eleición, la innovación y les oportunidaes na rede.
P’algamar eses metes, usamos un procesu altamente collaborativu y enforma tresparente, nel que collaboren milenta voluntarios en tol mundu xunto col nuesu pequeñu equipu d'emplegaos, pa coordinar la creación de productos como’l restolador web Firefox. Esti procesu cunta col sofitu de la Mozilla Corporation, que ye una filial propiedá de la fundación ensin ánimu de llucru Mozilla Foundation.
A la fin, la teunoloxía, organización y l’enfotu de la comunidá Mozilla, tien un oxetivu cenciellu: facer Internet meyor pa toos.
